പക്ഷിപ്പനി ; ഇന്ത്യയുടെ ആദ്യ H5N1 വാക്സിൻ നവംബർ 20-ന് പുറത്തിറങ്ങും


ഷീബ വിജയൻ


പക്ഷിപ്പനിയെ (H5N1) പ്രതിരോധിക്കാൻ ഇന്ത്യ വികസിപ്പിച്ചെടുത്ത ആദ്യ തദ്ദേശീയ വാക്സിൻ നവംബർ 20-ന് ഭോപ്പാലിൽ കേന്ദ്ര കൃഷിമന്ത്രി ശിവരാജ് സിങ് ചൗഹാൻ പുറത്തിറക്കും. ഭോപ്പാലിലെ ഐ.സി.എ.ആർ-നാഷണൽ ഇൻസ്റ്റിറ്റ്യൂട്ട് ഓഫ് ഹൈ സെക്യൂരിറ്റി ആനിമൽ ഡിസീസസ് (ICAR-NIHSAD) ആണ് കോഴികളിലെ എച്ച്5എൻ1 വൈറസ് വകഭേദത്തെ (clade 2.3.2.1a) ലക്ഷ്യമിട്ട് ഈ വാക്സിൻ വികസിപ്പിച്ചത്. രാജ്യത്തിന്റെ വിവിധ ഭാഗങ്ങളിൽ പക്ഷിപ്പനി വ്യാപിക്കുന്ന സാഹചര്യത്തിലാണ് ഈ നിർണ്ണായക നേട്ടം.

അടുത്തിടെ തമിഴ്‌നാട്ടിലെ കടലൂരിൽ രോഗബാധയെത്തുടർന്ന് 35,647 പക്ഷികൾ ചത്തൊടുങ്ങുകയും മുൻകരുതലായി 40,000 കോഴികളെ കൊന്നൊടുക്കുകയും ചെയ്തിരുന്നു. ആന്ധ്രാപ്രദേശിലെ അനന്ത്പൂരിലും ഒക്ടോബറിൽ രോഗം സ്ഥിരീകരിച്ചു. 2025-26 വർഷത്തിൽ മഹാരാഷ്ട്ര, കർണാടക, തെലങ്കാന, ബീഹാർ, മധ്യപ്രദേശ്, ഛത്തീസ്ഗഡ്, ജാർഖണ്ഡ് എന്നീ സംസ്ഥാനങ്ങളിലും രോഗവ്യാപനം റിപ്പോർട്ട് ചെയ്തിരുന്നു.

നിലവിലെ പ്രതിരോധ നടപടികൾക്കും ജൈവസുരക്ഷാ മുൻകരുതലുകൾക്കും പുറമെ വാക്സിനേഷൻ കൂടി എത്തുന്നതോടെ രോഗവ്യാപനം തടയുന്നത് കൂടുതൽ ഫലപ്രദമാകും. വാക്സിൻ വിതരണ രീതിയും പ്രോട്ടോക്കോളുകളും സംബന്ധിച്ച വിവരങ്ങൾ ഉടൻ പുറത്തുവിടും. മനുഷ്യരിലേക്ക് രോഗം പടരാനുള്ള സാധ്യത കുറവാണെങ്കിലും ചത്ത പക്ഷികളെ വെറും കൈകൊണ്ട് തൊടരുതെന്നും കോഴിയിറച്ചിയും മുട്ടയും നന്നായി പാകം ചെയ്ത് മാത്രം കഴിക്കണമെന്നും ആരോഗ്യവകുപ്പ് നിർദ്ദേശിക്കുന്നു.

article-image

dfsdsdsfddsfd

You might also like

  • Bharth Cargo
  • Lulu Exchange
  • Straight Forward

Most Viewed