നടൻ തിലകൻ്റെ മകനും ഭാര്യയും ബി.ജെ.പി ടിക്കറ്റിൽ തദ്ദേശ തിരഞ്ഞെടുപ്പിൽ മത്സര രംഗത്ത്
ഷീബ വിജയ൯
കൊച്ചി: അന്തരിച്ച പ്രശസ്ത നടൻ തിലകൻ്റെ മകനും ഭാര്യയും തദ്ദേശ തിരഞ്ഞെടുപ്പിൽ മത്സരരംഗത്ത്. തിലകൻ്റെ മകനായ ഷിബു തിലകൻ, ഭാര്യ ലേഖ എന്നിവരാണ് തൃപ്പൂണിത്തുറ നഗരസഭയിലേക്ക് ബി.ജെ.പി. ടിക്കറ്റിൽ ജനവിധി തേടുന്നത്. തിലകൻ്റെ ആറ് മക്കളിൽ ഷിബു മാത്രമാണ് രാഷ്ട്രീയത്തിലുള്ളത്.
തൃപ്പൂണിത്തുറ നഗരസഭ 20-ാം വാർഡിലാണ് ഷിബു തിലകൻ ബി.ജെ.പി സ്ഥാനാർഥിയായി മത്സരിക്കുന്നത്. ഭാര്യ ലേഖ 19-ാം വാർഡിൽ ബി.ജെ.പി സ്ഥാനാർഥിയായി ജനഹിതം തേടുന്നു. 1996 മുതൽ ഷിബു തിലകൻ ബി.ജെ.പി രാഷ്ട്രീയത്തിനൊപ്പം ചേർന്നു. കഴിഞ്ഞ തവണ ഷിബു മത്സരിച്ചെങ്കിലും വിജയിച്ചിരുന്നില്ല. കുടുംബം മുഴുവൻ കമ്യൂണിസ്റ്റ് ആശയങ്ങൾക്കൊപ്പമാണെങ്കിലും ഷിബു മാത്രമാണ് ബി.ജെ.പി രാഷ്ട്രീയത്തിൽ ഉള്ളത്. പിതാവിൻ്റെയും സഹോദരങ്ങളുടെയും പാത പിന്തുടർന്ന് സിനിമയിലും ഷിബു മുഖം കാണിച്ചു. 25 ചിത്രങ്ങളിൽ ചെറിയ വേഷങ്ങൾ അഭിനയിച്ചിട്ടുണ്ട്.
DSZASDAS
