ദക്ഷിണ കൊറിയൻ സംഘം കിം ജോഗ് ഉന്നിനെ സന്ദർശിച്ചു
പ്യോംഗ്യാങ് : പ്യോംഗ്യാംഗിലെത്തിയ ദക്ഷിണകൊറിയൻ ഉന്നതതല സംഘം ഉത്തരകൊറിയൻ ഏകാധിപതി കിം ജോംഗ് ഉന്നുമായി കൂടിക്കാഴ്ച നടത്തി. പത്തംഗസംഘത്തിൽ ദക്ഷിണകൊറിയൻ ഇന്‍റലിജൻസ് മേധാവി സൂ ഹൂൺ, ദേശീയ സുരക്ഷാ ഉപദേഷ്ടാവ് ചുങ് എന്നിവരുമുണ്ട്.
2011 ൽ കിം അധികാരത്തിലേറിയ ശേഷം ആദ്യമായാണു ദക്ഷിണകൊറിയയിൽ നിന്നുള്ള ഒരു ടീമിനു സന്ദർശനം അനുവദിക്കുന്നത്. ഇന്നു മടങ്ങിപ്പോരുന്ന സംഘം പിന്നീട് വാഷിംഗ്ടണിലെത്തി ചർച്ചയുടെ വിശദവിവരങ്ങൾ ട്രംപ് ഭരണകൂടത്തെ അറിയിക്കും.
