നരേന്ദ്രമോദി മഹാനായ വ്യക്തി, അടുത്ത സുഹൃത്ത്': അടുത്ത വര്ഷം ഇന്ത്യാസന്ദര്ശനമെന്ന് ട്രംപ്
ഷീബ വിജയൻ
വാഷിംഗ്ടണ് ഡിസി: അടുത്ത വര്ഷം ഇന്ത്യ സന്ദര്ശിക്കുമെന്ന സൂചന നല്കി യുഎസ് പ്രസിഡന്റ് ഡോണള്ഡ് ട്രംപ്. പ്രധാനമന്ത്രി നരേന്ദ്രമോദി തന്റെ വളരെ അടുത്ത സുഹ്യത്താണെന്നും മഹാനായ വ്യക്തിയാണെന്നും ട്രംപ് പുകഴ്ത്തി. വൈറ്റ് ഹൗസില് മാധ്യമങ്ങളോട് സംസാരിക്കവെയാണ് ട്രംപ് ഇക്കാര്യങ്ങള് വ്യക്തമാക്കിയത്.
മോദിയുമായുളള ചര്ച്ചകളില് ശുഭാപ്തി വിശ്വാസം പ്രകടിപ്പിച്ച ട്രംപ് ഇന്ത്യ റഷ്യയില് നിന്ന് എണ്ണ വാങ്ങുന്നത് ചെറിയ തോതില് എങ്കിലും കുറച്ചത് അമേരിക്കന് സമ്മർദ്ദം കാരണമാണെന്നും ആവര്ത്തിച്ചു.തന്റെ വളരെ നല്ല സുഹ്യത്താണ് മോദി. തങ്ങള് സംസാരിക്കാറുണ്ട്. ഞാന് അവിടേക്ക് ചെല്ലണമെന്ന് അദ്ദേഹം ആഗ്രഹിക്കുന്നുണ്ട്. തങ്ങള് അക്കാര്യത്തില് തീരുമാനമുണ്ടാക്കും. താന് പോയേക്കുമെന്നും ട്രംപ് പറഞ്ഞു. മോദിയുമായുള്ള ചര്ച്ചകള് നല്ലരീതിയില് പുരോഗമിക്കുന്നുണ്ടെന്നും അദ്ദേഹം കൂട്ടിച്ചേര്ത്തു.
saasadsdsa
