ഹേയ് ജൂഡ് ഫെബ്രുവരി രണ്ടിന്
ശ്യാമപ്രസാദ് നിവിൻപോളിയെ നായകനാക്കി സംവിധാനം ചെയ്യുന്ന ഹേയ് ജൂഡ് ഫെബ്രുവരി രണ്ടിന് തീയേറ്ററുകളിലെത്തും. തെന്നിന്ത്യൻ സൂപ്പർ നായിക തൃഷ ആദ്യമായി മലയാളത്തിൽ അഭിനയിക്കുന്ന ചിത്രം ഗോവയിലും പരിസരങ്ങളിലുമായാണ് ചിത്രീകരണം പൂർത്തിയാക്കിയത്. ഈ ചിത്രത്തിൽ തികച്ചും വ്യത്യസ്തമായ കഥാപാത്രത്തെയാണ് നിവിൻ അവതരിപ്പിക്കുന്നത്. ക്രിസ്റ്റൽ എന്ന കഥാപാത്രമായി തൃഷ വേഷമിടുന്നു.
അനിൽ അന്പലക്കര നിർമ്മിക്കുന്ന ചിത്രത്തിൽ സിദ്ധിഖ്, പ്രതാപ് പോത്തൻ, മുകേഷ് എന്നിവരാണ് മറ്റ് പ്രധാന വേഷങ്ങളിലെത്തുന്നത്. നിർമ്മൽ സഹദേവനാണ് ചിത്രത്തിന് തിരക്കഥ നിർവ്വഹിച്ചിരിക്കുന്നത്.
