ഭാമ വീണ്ടും
ചെറിയ ഇടവേളയ്ക്ക് ശേഷം ഭാമ നായികയാവുന്നു. വെങ്കിടേശ്വര ഫിലിംസിന്റെ ബാനറിൽ തൈക്കാട് ചന്ദ്രൻ നിർമ്മിച്ച് ജി. ചന്ദ്രചൂഡൻ സംവിധാനം ചെയ്യുന്ന മണി അളിയൻ എന്ന ചിത്രത്തിലാണ് ഭാമ എത്തുന്നത്. രാഹുൽ മാധവ്, ജഗദീഷ്, മണിയൻ പിള്ള രാജു, ഗണേഷ് കുമാർ, ബൈജു, നന്ദു, സുധീർ കരമന, പാഷാണം ഷാജി, കൊച്ചുപ്രേമൻ, ബിനീഷ് കോടിയേരി, കീരിക്കാടൻ ജോസ്, പി. ശ്രീകുമാർ, കൊല്ലം തുളസി, ദിനേശ് പണിക്കർ, ബിജു പപ്പൻ, അനിൽ, പാർവ്വതി, വനിത എന്നിവർ പ്രധാന വേഷങ്ങൾ അവതരിപ്പിക്കും. കഥ: സജി ആര്യനാട്. തിരക്കഥ: സനൽ നന്ദനം. ശ്രീകുമാരൻ തന്പി, മുരുകൻ കാട്ടാക്കട, റഫീഖ് അഹമ്മദ് എന്നിവരുടെ ഗാനങ്ങൾക്ക് ഡോ. മണക്കാല ഗോപാലകൃഷ്ണൻ ഈണം പകരുന്നു. ബിനു എസ്. നായർ ഛായാഗ്രഹണവും സഖീർ എഡിറ്റിംഗും നിർവ്വഹിക്കുന്നു. ഷൂട്ടിംഗ് അടുത്ത മാസം ഒന്ന് മുതൽ തിരുവനന്തപുരത്ത് ആരംഭിക്കും.
