പലിശക്കാർക്കെതിരെ നടപടി സ്വീകരിക്കണമെന്ന് ആവശ്യപ്പെട്ട് മന്ത്രി എം ബി രാജേഷിന് നിവേദനം
ബഹ്റൈനിലെ പ്രവാസികളുടെ സാമ്പത്തിക പരാധീനതകൾ മുതലെടുത്ത് നിയമ വിരുദ്ധ പണമിടപാടുകൾ നടത്തുന്ന മലയാളികളുൾപ്പെടെയുള്ള പലിശക്കാർക്കെതിരെ നടപടി സ്വീകരിക്കണമെന്ന് ആവശ്യപ്പെട്ട് ബഹ്റൈനിലെ പലിശ വിരുദ്ധ സമിതി സംസ്ഥാന തദ്ദേശ സ്വയം ഭരണ എക്സൈസ് വകുപ്പ് മന്ത്രി എം ബി രാജേഷിന് നിവേദനം നൽകി. പലിശ വിരുദ്ധ സമിതി നടത്തുന്ന പ്രവർത്തനങ്ങളെ ശ്ലാഘിച്ച മന്ത്രി എം. ബി രാജേഷ് തീർച്ചയായും നാട്ടിൽ ഇതിന്റെ തുടർ നിയമനടപടികൾ സ്വീകരിക്കുന്നതോടൊപ്പം മാനുഷിക പരിഗണന കൂടി പരിഗണിച്ച് കൂടുതൽ ഇടപെടലുകൾ കൈക്കൊള്ളുമെന്ന് ഉറപ്പ് നൽകി.
പലിശ വിരുദ്ധ സമിതി ചെയർമാൻ ജമാൽ ഇരിങ്ങലിനോടൊപ്പം ജനറൽ കൺവീനർ യോഗാനന്ത് ജനറൽ സെക്രട്ടറി ദിജീഷ്, എക്സിക്യൂട്ടീവ് അംഗം അഷ്കർ പുഴിത്തല, ഉപദേശക സമിതി അംഗവും കേരള പ്രവാസി കമ്മീഷൻ അംഗവുമായ സുബൈർ കണ്ണൂർ എന്നിവരും പങ്കെടുത്തു.
a
