30 വർഷത്തെ പ്രവാസജീവിതം മതിയാക്കി നാട്ടിൽ പോകാനിരുന്ന മലയാളി കോവിഡ് ബാധിച്ചു മരിച്ചു
മനാമ: 30 വർഷത്തെ പ്രവാസജീവിതത്തിനുശേഷം അടുത്ത മാസം നാട്ടിൽ പോകാനിരുന്ന പത്തനംതിട്ട ജില്ലയിലെ തെങ്ങുംകാവ് സ്വദേശി ജേക്കബ് തോമസ് (56) ഇന്ന് രാവിലെ കോവിഡ് ബാധിച്ചു ചികിത്സയിലായിരിക്കെ ബിഡിഎഫ് ഹോസ്പിറ്റലിൽ വെച്ച് നിര്യാതനായി. അദ്ദേഹത്തിന്റെ ഭാര്യ ജോയിസ് ജേക്കബ് സൽമാനിയ ഹോസ്പിറ്റലിൽ നേഴ്സാണ്. മക്കൾ: എഫ്രയീം & ജെറമി. അരാദി കൺസ്ട്രക്ഷൻ കമ്പനിയിൽ ആയിരുന്നു ജോലി ചെയ്തിരുന്നത്. സംസ്കാരം കോവിഡ് മാനദണ്ഡങ്ങൾ പാലിച്ച് ബഹ്റിനിൽ നടത്തപ്പെടും.
