വേനല്ക്കാല ബോധവല്ക്കരണ ക്യാംപയിന് സംഘടിപ്പിച്ചു
മനാമ: ഇന്ത്യൻ കമ്മ്യൂണിറ്റി റിലീഫ് ഫണ്ട് (ഐസിആർഎഫ്) ആരോഗ്യ മന്ത്രാലയവുമായി സഹകരിച്ച് തൊഴിൽ സാമൂഹിക വികസന മന്ത്രാലയം ബോധവൽക്കരണ ക്യാംപയിന് സംഘടിപ്പിച്ചുവേനൽക്കാലത്ത് തൊഴിൽ അപകടങ്ങളും രോഗങ്ങളും കുറയ്ക്കുന്നതിനും പ്രതിരോധത്തിന്റെ പ്രാധാന്യത്തെക്കുറിച്ച് തൊഴിലുടമകൾക്കും തൊഴിലാളികൾക്കും തൊഴിൽ അവബോധം വളർത്തുന്നതിനും 2013 ലെ മന്ത്രിതല ഉത്തരവ് 3-ൽ വ്യക്തമാക്കിയ പ്രകാരം തൊഴിൽ നിരോധനവുമായി ബന്ധപ്പെട്ട് ആയിരുന്നു വേനൽകാല ക്യാംപയിന്. സെഗായയിലെ ബഹ്റൈൻ കേരളീയ സമാജം (ബി.കെ.എസ്) പരിസരത്ത് നടന്ന പ്രചാരണത്തിൽ അഞ്ഞൂറോളം തൊഴിലാളികൾ പങ്കെടുത്തു.വിവിധ ആശുപത്രികളിൽ നിന്നുള്ള ഡോക്ടർമാരും പാരാ മെഡിക്കൽ സ്റ്റാഫും തൊഴിലാളികൾക്ക് ആരോഗ്യ പരിശോധന നടത്തി.
തൊഴിൽ, സാമൂഹിക വികസന മന്ത്രാലയത്തിന്റെ അണ്ടർസെക്രട്ടറി സുബ ബിൻ സലേം അൽ-ദോസറി, ലേബർ അഫയേഴ്സ് ആക്ടിംഗ് അസിസ്റ്റന്റ് സെക്രട്ടറി അഹമ്മദ് ജാഫർ അൽ-ഹൈകി - ഡയറക്ടറേറ്റ് ഓഫ് ഇൻസ്പെക്ഷൻ ആന്റ് ഒക്യുപേഷണൽ സേഫ്റ്റി, ആരോഗ്യ പ്രമോഷൻ ഡയറക്ടർ ഡോ. വഫ ഇബ്രാഹിം ഷാർബിറ്റി, സഹ്റ സൈദ് ഹാഷിം, ബഹ്റൈൻ ഇന്ത്യൻ എംബസി സെക്കന്റ് സെക്രട്ടറി പി കെ ചൗധരി, ബംഗ്ലാദേശ്, ഫിലിപ്പീൻസ്, നേപ്പാൾ, ബഹ്റൈൻ എംബസികളുടെ പ്രതിനിധികൾ, ബഹ്റൈൻ കാൻസർ കെയർ സൊസൈറ്റി പ്രസിഡന്റ് ഡോ. പിവി ചെറിയാന്, ഐസിആർഎഫ് ചെയർമാൻ അരുൾദാസ് തോമസ്, ഭഗവാൻ അസർപോട്ട, ഐസിആർഎഫിന്റെ എക്സ്-ഒഫീഷ്യോ, മറ്റ് ഐസിആർഎഫ് വളന്റിയർമാർ, കൂടാതെ നിരവധി ഇന്ത്യൻ കമ്മ്യൂണിറ്റി പ്രതിനിധികൾ പങ്കെടുത്തു.
യുഎഇ എക്സ്ചേഞ്ച്, ലുലു ഇന്റർനാഷണൽ ഗ്രൂപ്പ്, കൊക്കക്കോള ബോട്ട്ലിംഗ് കമ്പനി, ബഹ്റൈൻ ഫിനാൻസിംഗ് കമ്പനി (ബിഎഫ്സി) എന്നിവരാണ് പരിപാടിയുടെ പ്രധാന സ്പോൺസർമാർ. വേദി, ലോജിസ്റ്റിക്കൽ ക്രമീകരണങ്ങൾ എന്നിവ ഏകോപിപ്പിച്ചത് ഐസിആർഎഫ് ഉദ്യോഗസ്ഥരും ബികെഎസ് ഉദ്യോഗസ്ഥരുമാണ്.ഓരോ തൊഴിലാളിക്കും, പങ്കെടുത്തവർക്കും ഭക്ഷണ പാക്കറ്റുകളും വിതരണം ചെയ്തു.
1
