എസ്.വി ജലീലും രാജുകല്ലുംപുറവും ലോകകേരള സഭ അംഗത്വം രാജിവെച്ചു
മനാമ: ബഹ്റൈനിലെ ലോകകേരള സഭ അംഗങ്ങളായ എസ്.വി ജലീലും രാജുകല്ലുംപുറവും ലോകകേരള സഭ അംഗത്വം രാജിവെച്ചു. രണ്ട് പ്രവാസികളുടെ ആത്മഹത്യയോടുള്ള ഭരണകൂടത്തിന്റെ പ്രതികൂലമായ നിലപാടാണ് തന്റെ രാജിക്ക് കാരണമെന്ന് ബഹ്റൈന് കെ.എം.സി.സി സംസ്ഥാന പ്രസിഡണ്ട് എസ്. വി ജലീല് വ്യക്തമാക്കി. പ്രവാസികൾ ഏറെ പ്രതീക്ഷകളോടെ ആയിരുന്നു ലോകകേരള സഭയെ നോക്കികണ്ടതെന്നും അതിനാലാണ് കക്ഷി രാഷ്ട്രീയഭേദമെന്യേ അതിനോട് സഹകരിച്ചതെന്നും അദേഹം കൂട്ടിച്ചേര്ത്തു. ഭരിക്കുന്ന രാഷ്ട്രീയക്കാരുടെ പിടിവാശിക്കു മുന്നില് സ്വന്തം സംരംഭം ഉപേക്ഷിക്കേണ്ടി വന്ന സുഗതനും , അതുപോലെ തന്നെ ആന്തൂർ മുനിസിപ്പാലിറ്റി ചെയർ പേഴ്സൺ ശ്യാമളയുടെ പിടിവാശി മൂലം പ്രവാസത്തിന്റെ സമ്പാദ്യം മുഴുവൻ ചിലവഴിച്ചിട്ടും ഒരു സംരംഭം തുടങ്ങാനാകാതെ സാജനും ആത്മഹത്യ ചെയ്ത സംഭവങ്ങളില് കുറ്റക്കാരയവരെ ന്യായീകരിച്ച ഭരണകൂടത്തിന് കീഴില് തുടരാന് കഴിയില്ലെന്നും എസ്.വി ജലീല് പറഞ്ഞു.
