മെസിയുടെ പേരില് തട്ടിപ്പ്: പ്രാഥമിക അന്വേഷണത്തിന് കേസ് എടുത്ത് എസ്ഐടി
ഷീബ വിജയൻ
അര്ജന്റീന ഫുട്ബോള് താരം ലയണല് മെസിയെയും സംഘത്തെയും കേരളത്തില് എത്തിക്കാമെന്ന പേരില് നടത്തിയ തട്ടിപ്പില് പ്രത്യേക അന്വേഷണ സംഘം (എസ്ഐടി) പ്രാഥമിക അന്വേഷണത്തിന് കേസ് രജിസ്റ്റര് ചെയ്തു. കളമശേരി സ്റ്റേഷനിലാണ് എഫ്ഐആര് രജിസ്റ്റര് ചെയ്തിരിക്കുന്നത്. എന്നാല് നിലവിൽ ആരെയും പ്രതി ചേര്ക്കാതെയാണ് എഫ്ഐആര് തയ്യാറാക്കിയിരിക്കുന്നത്.
മെസിയെ കേരളത്തിലേക്ക് കൊണ്ടുവരുമെന്ന വ്യാജേന നടന്ന വിവിധ നിയമലംഘനങ്ങളെക്കുറിച്ചും കോടികളുടെ സാമ്പത്തിക അപാകതകളെക്കുറിച്ചും സമഗ്രമായി അന്വേഷിക്കാനാണ് സര്ക്കാര് ഉത്തരവിട്ടിരുന്നത്. വരുംദിവസങ്ങളില് കേസില് വ്യക്തമായ തെളിവുകള് ശേഖരിച്ച ശേഷം കൂടുതൽ പേരെ പ്രതിപ്പട്ടികയിൽ ഉൾപ്പെടുത്താനാണ് അന്വേഷണ സംഘത്തിന്റെ തീരുമാനം. കളമശേരി സ്റ്റേഷനില് രജിസ്റ്റര് ചെയ്ത ഈ എഫ്ഐആറിനെ അടിസ്ഥാനമാക്കിയാകും കേസില് തുടര്നടപടികള് സ്വീകരിക്കുക.
assaasas
