ബഹ്റൈനിൽ വാഹനങ്ങൾ കുത്തിത്തുറക്കാനുള്ള ശ്രമങ്ങൾ ഏറുന്നതായി പരാതി
മനാമ: പാർക്ക് ചെയ്തിരിക്കുന്ന വാഹനങ്ങളുടെ ഡോർ കുത്തിത്തുറന്ന് വാഹനത്തിനകത്തുള്ള സാധനങ്ങൾ മോഷ്ടിക്കാനുള്ള ശ്രമം നടക്കുന്നതായി പരാതി ഉയരുന്നു. സഗയ്യ, സൽമാനിയ, ഗുദൈബിയ എന്നിവിടങ്ങളിലാണ് ഇത്തരം സംഭവങ്ങൾ ഏറി വരുന്നത്. സ്ത്രീകളുടെ ഹാൻഡ് ബാഗുകൾ, ലാപ് ടോപ്പുകൾ, മൊബൈൽ ഫോണുകൾ തുടങ്ങിയവ വാഹനത്തിനകത്ത് മറന്ന് വെച്ചു പോകുന്നതാണ് കാർ കുത്തി തുറക്കാൻ മോഷ്ടാക്കളെ പ്രേരിപ്പിക്കുന്നത്. കുത്തിതുറക്കാനുള്ള ശ്രമത്തിനിടയിൽ കാറിന്റെ ഡോറുകൾക്ക് കേടുപാടുകൾ സംഭവിക്കുന്നുണ്ട്.
