ട്രാഫിക് കുറ്റകൃത്യങ്ങൾ കുറയ്ക്കാൻ വിദ്യാർത്ഥികളുടെ സഹായം തേടി മന്ത്രാലയം
മനാമ : ബഹ്റൈനിൽ ട്രാഫിക് കുറ്റകൃത്യങ്ങൾ കുറയ്ക്കുന്നതിന് ആശയങ്ങൾ പങ്കുവയ്ക്കാൻ സർവ്വകലാശാല വിദ്യാർത്ഥികളെ ജനറൽ ഡയറക്ടറേറ്റ് ഓഫ് ട്രാഫിക് ക്ഷണിച്ചു. ഡയറക്ടറേറ്റിന് ആശയങ്ങൾക്കൊപ്പം, പൊതുജനങ്ങൾ അവരുടെ ആശയങ്ങളും പങ്കുവെയ്ക്കണമെന്ന് ആഗ്രഹിക്കുന്നുവെന്നും ദേശീയ റേഡിയോയിൽ സംപ്രേഷണം ചെയ്ത ഒരു അഭിമുഖത്തിൽ ട്രാഫിക് കൾച്ചർ ഡയറക്ടർ ലഫ്റ്റനന്റ് കേണൽ ഒസാമ ബഹാർ പറഞ്ഞു. ബഹ്റൈൻ സർവ്വകലാശാലയിലെ എഞ്ചിനീയറിംഗ് വിദ്യാർത്ഥികളെയും പ്രൊഫസർമാരെയും മറ്റ് സ്വകാര്യ സർവ്വകലാശാലകളെയും ആശയങ്ങൾ പങ്കിടാനും ബഹ്റൈനിൽ ട്രാഫിക് നിയമലംഘനങ്ങളുടെ എണ്ണം കുറയ്ക്കാൻ സഹായിക്കുന്ന പഠനങ്ങൾ പങ്ക് െവയ്ക്കാനും സ്വാഗതം ചെയ്തിട്ടുണ്ട്. മാധ്യമ വിദ്യാർത്ഥികൾക്കും പ്രൊഫസർമാർക്കും ഇത് ബാധകമാണെന്നും അദ്ദേഹം അറിയിച്ചു.
ഡയറക്ടറേറ്റിന്റെ ബോധവൽക്കരണ പ്രചരണ പരിപാടിയായ ‘റീത്തിങ്ക്’ എന്ന ഇൻസ്റ്റാഗ്രാമിന്റെ ഔദ്യോഗിക പേജിൽ ബന്ധപ്പെടുക വഴി ഡയറക്ടറേറ്റിനെ സമീപിക്കാമെന്നും അദ്ദേഹം വിശദീകരിച്ചു.
