യാത്രക്കാരുടെ ലഗേജിൽ നിന്ന് മോഷണം നടത്തിയവർ ബഹ്റൈൻ വിമാനത്താവള ജീവനക്കാരല്ല
മനാമ : വിമാനത്തിൽ കയറ്റുന്നതിനിടെ യാത്രക്കാരുടെ ലഗേജിൽ നിന്ന് മോഷണം നടത്തിയ രണ്ട് തൊഴിലാളികൾ ബഹ്റൈൻ ഇന്റർനാഷണൽ എയർപോർട്ടിലെയോ ബഹ്റൈൻ എയർപോർട്ട് കന്പനിയിലെയോ തൊഴിലാളികളല്ലെന്ന് റിപ്പോർട്ട്. മോഷണകുറ്റം ചുമത്തി അറസ്റ്റ് ചെയ്യപ്പെട്ട തൊഴിലാളികൾ സ്റ്റാഫ് അംഗങ്ങളല്ലെന്നും എയർപോർട്ട് അഡ്മിനിസ്ട്രേഷനിലെ ഏറ്റവും മികച്ച അന്താരാഷ്ട്ര പരിശീലനങ്ങളാണ് കന്പനി തൊഴിലാളികൾക്ക് നൽകുന്നതെന്നും, പ്രാദേശിക, അന്തർദേശീയ വ്യോമയാന നിയമങ്ങളനുസരിച്ച് അതിന്റെ എല്ലാ പ്രവൃത്തികളും ആന്തരികമായും ബാഹ്യമായും ഓഡിറ്റ് ചെയ്യുന്നുണ്ടെന്നും അധികൃതർ വ്യക്തമാക്കുന്നു. മോഷണം നടത്തിയ ദൃശ്യങ്ങൾ ക്യാമറയിൽ പതിഞ്ഞതോടെയായിരുന്നു പോലീസ് ഇവരെ അറസ്റ്റ് ചെയ്തത്. ഏഷ്യൻ വംശജരായ ഇവരെ ആറ് മാസത്തെ തടവിനും നാടുകടത്തലിനും ലോവർ ക്രിമിനൽ കോടതി ശിക്ഷിച്ചു.
