അറബ് മീഡിയ ഉച്ചകോടി 2026: ബഹ്റൈൻ വിവരസാങ്കേതിക മന്ത്രി ഡോ. റംസാൻ അൽ നൊഐമി പങ്കെടുത്തു
പ്രദീപ് പുറവങ്കര
ദുബായ്: യുണൈറ്റഡ് അറബ് എമിറേറ്റ്സിൽ തുടക്കമായ അറബ് മീഡിയ ഉച്ചകോടി 2026-ൽ ബഹ്റൈൻ വിവരസാങ്കേതിക (ഇൻഫർമേഷൻ) മന്ത്രി ഡോ. റംസാൻ ബിൻ അബ്ദുല്ല അൽ നൊഐമി പങ്കെടുത്തു. യു.എ.ഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂമിന്റെ രക്ഷാകർതൃത്വത്തിലായിരുന്നു ഉച്ചകോടി സംഘടിപ്പിച്ചത്. ദുബായ് സെക്കൻഡ് ഡെപ്യൂട്ടി റൂളറും ദുബായ് മീഡിയ കൗൺസിൽ ചെയർമാനുമായ ഹിസ് ഹൈനസ് ഷെയ്ഖ് അഹമ്മദ് ബിൻ മുഹമ്മദ് ബിൻ റാഷിദ് അൽ മക്തൂമിന്റെ സാന്നിധ്യവും ചടങ്ങിലുണ്ടായിരുന്നു.
മാധ്യമ മേഖല വേഗത്തിലുള്ള സാങ്കേതിക, ഘടനാപരമായ മാറ്റങ്ങൾക്ക് വിധേയമായിക്കൊണ്ടിരിക്കുന്ന ഈ കാലഘട്ടത്തിൽ അറബ് മാധ്യമ സമ്മേളനങ്ങളുടെയും കൂട്ടായ്മകളുടെയും പ്രാധാന്യം മന്ത്രി ഡോ. അൽ നൊഐമി എടുത്തുപറഞ്ഞു. മാധ്യമ രംഗത്തെ പുതിയ വികാസങ്ങൾ ഉയർത്തുന്ന വെല്ലുവിളികളും സാധ്യതകളും തുറന്ന ചർച്ചകളുടെയും ആശയവിനിമയങ്ങളുടെയും ആവശ്യകത വർദ്ധിപ്പിക്കുന്നതായി അദ്ദേഹം വ്യക്തമാക്കി.
ഉള്ളടക്ക നിർമ്മാണത്തിലും ഉപഭോഗത്തിലും വരുന്ന മാറ്റങ്ങൾക്കനുസരിച്ച് മാധ്യമ പ്രവർത്തനങ്ങൾ വികസിപ്പിക്കാൻ ഇത്തരം അന്താരാഷ്ട്ര ചർച്ചകൾ സഹായിക്കും. മാധ്യമ രംഗത്തെ പ്രമുഖർക്കും വിദഗ്ദ്ധർക്കും ഈ മേഖലയുടെ വർത്തമാനവും ഭാവിയും രൂപപ്പെടുത്തുന്ന പ്രധാന വിഷയങ്ങൾ ചർച്ച ചെയ്യാനുള്ള മികച്ച വേദിയാണ് അറബ് മീഡിയ ഉച്ചകോടിയെന്നും അദ്ദേഹം കൂട്ടിച്ചേർത്തു.
fgdh
