ഷാർജയിലേക്ക് വരുന്ന 8 രാജ്യങ്ങളില്‍ നിന്നുള്ള യാത്രക്കാര്‍ക്ക് റാപ്പിഡ് പരിശോധന വേണ്ട
ഷാർജയിലേക്ക് യാത്ര ചെയ്യുന്ന 8 രാജ്യങ്ങളില്‍ നിന്നുള്ള യാത്രക്കാര്‍ക്ക് റാപ്പിഡ് കോവിഡ് പരിശോധനയില്ലെന്ന് എയര്‍ അറേബ്യ.ഇന്ത്യ, പാകിസ്താന്‍, കെനിയ, നേപ്പാള്‍, ശ്രീലങ്ക, ബംഗ്ലാദേശ്, ഈജിപ്ത്, ഉഗാണ്ട എന്നിവിടങ്ങളില്‍ നിന്ന് ഷാര്‍ജയിലേക്ക് വരുന്ന യാത്രക്കാര്‍ക്കുള്ള പിസിആര്‍, റാപ്പിഡ് ടെസ്റ്റുകളാണ് ഒഴിവാക്കിയത്.യുഎഇ പൗരന്മാര്‍ ഉള്‍പ്പെടെയുള്ള എയര്‍ അറേബ്യ യാത്രക്കാര്‍, ഫ്ലൈറ്റ് എത്തിച്ചേരുന്ന സമയം മുതല്‍ 48 മണിക്കൂറിനുള്ളില്‍ നടത്തിയ കോവിഡ് പിസിആര്‍ ടെസ്റ്റ് നടത്തിയാല്‍ മതിയെന്നും എയര്‍ അറേബ്യ വ്യക്തമാക്കി. എന്നാല്‍, യാത്രക്കാര്‍ ഷാര്‍ജ അന്താരാഷ്ട്ര വിമാനത്താവളത്തില്‍ എത്തുമ്പോൾ വീണ്ടും പരിശോധനയ്ക്ക് വിധേയരാകേണ്ടതുണ്ട്.
