ഇന്ത്യയിൽ നിന്നും കോവിഷീൽഡ് വാക്സിൻ സ്വീകരിച്ചവർക്കും ദുബൈയിലേക്ക് പോകാം
ദുബൈ: ഇന്ത്യയിൽ നിന്നും കോവിഷീൽഡ് വാക്സിൻ സ്വീകരിച്ചവർക്കും ദുബൈയിലേക്ക് വരാമെന്ന് യുഎഇ. നേരത്തെ യുഎഇയിൽ നിന്നും വാക്സിൻ സ്വീകരിച്ചവർക്കും താമസവീസയുള്ളവർക്കും മാത്രമാണ് ഇന്ത്യയിൽ നിന്നും വരാൻ അനുമതിയുണ്ടായിരുന്നത്. ഈ തീരുമാനം യുഎഇ തിരുത്തി.
അതേസമയം സന്ദർശക വീസക്കാർക്ക് ഏർപ്പെടുത്തിയിരിക്കുന്ന നിയന്ത്രണം തുടരും. പുതിയ തീരുമാനം ഫ്ളൈ ദുബൈ അധികൃതർ മറ്റ് വിമാനക്കന്പനികളെ അറിയിച്ചിട്ടുണ്ട്. വാക്സിൻ സ്വീകരിച്ചതിന് പുറമേ 48 മണിക്കൂറിനുള്ളൽ എടുത്ത കോവിഡ് നെഗറ്റീവ് സർട്ടിഫിക്കറ്റും യാത്രക്കാർ കരുതണം.
