ലയണൽ മെസ്സി അടുത്ത വർഷം ഹൈദരാബാദിൽ


ശാരിക / ന്യൂഡൽഹി

അർജൻ്റീന ഫുട്‌ബോളർ ലയണൽ മെസ്സി അടുത്ത വർഷം ഹൈദരാബാദിലെത്തി കളിക്കും. മെസ്സിയുടെ ഗോട്ട് ടൂർ ഇന്ത്യ 2025ൻ്റെ വിശദാംശങ്ങൾ താരം തന്നെയാണ് പങ്കുവെച്ചത്. ഡിസംബർ 13ന് മെസ്സി ഇന്ത്യയിലെത്തും. അന്ന് രാവിലെ 10.30ന് കൊൽക്കത്തയിൽ നടക്കുന്ന പരിപാടിയിൽ പങ്കെടുത്ത ശേഷം വൈകീട്ട് ഏഴു മണിക്ക് ഹൈദരാബാദിൽ നടക്കുന്ന പരിപാടിയിലും മെസ്സി പങ്കെടുക്കും.

ഡിസംബർ 14ന് മുംബൈയിൽ വൈകീട്ട് അഞ്ചരക്കാണ് അടുത്ത പരിപാടി. ഡിസംബർ 15ന് ഉച്ചയ്ക്ക് ഒരു മണിക്ക് ഡൽഹിയിലാണ് മെസ്സിയുടെ അവസാന പരിപാടി. ഇന്ത്യയിൽ നിന്നുള്ള സ്നേഹത്തിന് നന്ദി പറയുന്നതായും തൻ്റെ ഇന്ത്യാ പര്യടനത്തിൽ ഹൈദരാബാദ് കൂടി ഉൾപ്പെടുത്തിയതിൽ സന്തോഷമുണ്ടെന്നും മെസ്സി ഇൻസ്റ്റാഗ്രാം പോസ്റ്റിൽ കുറിച്ചു.

നേരത്തെ മെസ്സി കേരളത്തിലെത്തുമെന്ന് കായികമന്ത്രി വി. അബ്ദുറഹ്മാൻ അറിയിച്ചിരുന്നുവെങ്കിലും, സ്പോൺസർമാർ മാനദണ്ഡങ്ങൾ പാലിക്കാത്തതിനെ തുടർന്ന് കേരള പര്യടനം റദ്ദാക്കുകയായിരുന്നു. തുടർന്നാണ് ഗോട്ട് ടൂറിൽ ഹൈദരാബാദ് ഉൾപ്പെടുത്താൻ തീരുമാനിച്ചത്. സാതാത്രു ദത്തയാണ് ഗോട്ട് ടൂർ ടു ഇന്ത്യയുടെ മുഖ്യ സ്പോൺസർ.

കേരളത്തിൽ മെസ്സിയുടെ വരവ് അനിശ്ചിതത്വത്തിലായതിനെ തുടർന്നാണ് തങ്ങൾ മെസ്സിയുടെ പര്യടനത്തിൽ ഹൈദരാബാദ് കൂടി ഉൾപ്പെടുത്താൻ തീരുമാനിച്ചതെന്നും ദത്ത വ്യക്തമാക്കി. ഇന്ത്യയിൽ സെലിബ്രിറ്റി ടീമുകൾക്ക് ഒപ്പം വരെ മെസ്സി കളിക്കും.

article-image

vdvx

You might also like

Most Viewed