സൗദിയിലെ സ്വകാര്യ മേഖലയ്ക്ക് ചെറിയ പെരുന്നാള്‍ അവധി ദിവസങ്ങള്‍ പ്രഖ്യാപിച്ചു
റിയാദ്: സൗദി അറേബ്യയിലെ സ്വകാര്യ മേഖലയ്ക്ക് ചെറിയ പെരുന്നാള്‍ അവധി ദിവസങ്ങള്‍ പ്രഖ്യാപിച്ചു. മാനവ വിഭവശേഷി, സാമൂഹിക വികസന മന്ത്രാലയമാണ് ഇത് സംബന്ധിച്ച് അറിയിപ്പ് പുറത്തുവിട്ടത്. മെയ് 23 മുതല്‍ 26 വരെ നാല് ദിവസത്തെ അവധിയാണ് പ്രഖ്യാപിച്ചിരിക്കുന്നത്. റമദാന്‍ മെയ് 22ന് അവസാനിക്കുമെന്നാണ് പ്രതീക്ഷിക്കുന്നത്.
ഭൂരിഭാഗം ജീവനക്കാരും വെള്ളിയാഴ്ച പ്രവര്‍ത്തിക്കാത്തതിനാല്‍ ഇവര്‍ക്ക് അഞ്ചു ദിവസത്തെ അവധി പ്രതീക്ഷിക്കാം. പൊതുമേഖലാ സ്ഥാപനങ്ങളില്‍ ജോലി ചെയ്യുന്നവര്‍ക്ക് ഇന്ന് മുതല്‍ മെയ് 31 വരെയാണ് അവധി പ്രഖ്യാപിച്ചിരിക്കുന്നത്.
