കോവിഡ് വ്യാപനം: പ്രധാനമന്ത്രിയുടെ പോര്‍ച്ചുഗൽ സന്ദര്‍ശനം റദ്ദാക്കി
ന്യൂഡൽഹി: ഇന്ത്യയിൽ കോവിഡ് കേസുകൾ കുതിച്ചുയരുന്നതിന്റെ പശ്ചാത്തലത്തിൽ പ്രധാനമന്ത്രി നരേന്ദ്രമോദിയുടെ പോർച്ചുഗൽ സന്ദർശനം റദ്ദാക്കി. ഇന്ത്യ-യൂറോപ്യൻ യൂണിയൻ ഉച്ചകോടിയിൽ പങ്കെടുക്കുന്നതിനായിരുന്നു യാത്ര. മെയ് എട്ടിന് നടത്താനിരുന്ന ഉച്ചകോടി ഇനി വെർച്വലായി നടത്താനാണ് സാധ്യത കാണുന്നത്. വെർച്വൽ ഉഭയകക്ഷി യോഗത്തിന് പുതിയ തീയതി തീരുമാനിച്ചിട്ടില്ല. പോർച്ചുഗൽ സന്ദർശനത്തിന് പുറമേ മോദിയുടെ ഫ്രാൻസ് സന്ദർശനവും റദ്ദാക്കിയിട്ടുണ്ട്.
