ഇന്നു മുതല് ഡൽഹിയിലെ സര്ക്കാര് ബസുകളില് സ്ത്രീകള്ക്ക് സൗജന്യ യാത്ര
ന്യൂഡൽഹി: ഡൽഹിയിലെ സര്ക്കാര് ബസുകളില് ഇന്നുമുതല് സ്ത്രീകള്ക്ക് സൗജന്യ യാത്ര. ആം ആദ്മി പാര്ട്ടി സര്ക്കാരിന്റെ സ്ത്രീ സുരക്ഷ മുന്കരുതലിന്റെ ഭാഗമായാണ് നടപടി. തെരഞ്ഞെടുപ്പ് നടക്കാന് മാസങ്ങള് ബാക്കി നില്ക്കെയാണ് സര്ക്കാര് വാഗ്ദാനങ്ങള് നടപ്പാക്കുന്നത്. പദ്ധതി പ്രകാരം കണ്ടക്ടര്മാര് 10 രൂപയുടെ പിങ്ക് ടിക്കറ്റ് യാത്രക്കാരായ വനിതകള്ക്ക് നല്കും. നല്കിയ ടിക്കറ്റുകളുടെ കണക്ക് പരിശോധിച്ച് സര്ക്കാര് ട്രാന്സ്പോര്ട്ടേഴ്സിന് പണം നല്കും. 3,700 ഡല്ഹി ട്രാന്സ്പോര്ട്ട് ബസുകളും 1,800 മറ്റ് ബസുകളും ചേര്ന്നതാണ് ഡല്ഹി ഇന്റഗ്രേറ്റഡ് മള്ട്ടി മോഡല് ട്രാന്സിറ്റ് സിസ്റ്റം (ഡിഐഐഎംടിഎസ്). ഡൽഹിക്ക് ഇത് ചരിത്ര നിമിഷമാണെന്നും ബസ്സില് യാത്ര ചെയ്യുന്ന സ്ത്രീകളുടെ സുരക്ഷ ഉറപ്പുവരുത്തുന്നതിന് മുഖ്യമന്ത്രി അരവിന്ദ് കേജരിവാളിന്റെ നേതൃത്വം നിലകൊള്ളുന്നുവെന്നും ഗതാഗതമന്ത്രി കൈലാഷ് ഗഹ്ലോട്ട് പറഞ്ഞു.
