പതിനായിരങ്ങൾ അണിനിരക്കുന്ന കായിക മാമാങ്കത്തിന് കോഴിക്കോട് ഒരുങ്ങി; സംസ്ഥാന സ്കൂൾ കായികമേള ഒക്ടോബർ 25 മുതൽ
ഷീബ വിജയൻ
കോഴിക്കോട്: സംസ്ഥാനത്തെ കൗമാര കായിക പ്രതിഭകൾ മാറ്റുരയ്ക്കുന്ന 68-ാമത് കേരള സംസ്ഥാന സ്കൂൾ കായികമേളയ്ക്ക് ആതിഥേയത്വം വഹിക്കാൻ കോഴിക്കോട് ജില്ല പൂർണ്ണമായി സജ്ജമായി. ഒക്ടോബർ 25 മുതൽ 31 വരെ നടക്കുന്ന മാമാങ്കത്തിൽ പതിനായിരത്തോളം കായികതാരങ്ങളും ഒഫീഷ്യലുകളും അടക്കം ഏകദേശം 15,000-ത്തോളം പേർ പങ്കെടുക്കും. ഒക്ടോബർ 25-ന് 4,000 കായികതാരങ്ങൾ അണിനിരക്കുന്ന വിപുലമായ മാർച്ച് പാസ്റ്റോടെയും സാംസ്കാരിക പരിപാടികളോടെയും മേളയ്ക്ക് ഔദ്യോഗികമായി തുടക്കമാകും.
ജില്ലയിലുടനീളമുള്ള പത്ത് വേദികളിലായാണ് മത്സരങ്ങൾ നടക്കുന്നത്. എൻഐടി കാലിക്കറ്റ് ക്യാമ്പസ് ആണ് പ്രധാന അത്‌ലറ്റിക്സ് പോരാട്ടങ്ങളുടെ മുഖ്യവേദി. ഭിന്നശേഷിക്കാരായ കുട്ടികൾക്കായുള്ള ഇൻക്ലൂസീവ് മത്സരങ്ങളും, ഗൾഫ് മേഖലയിൽ നിന്നെത്തുന്ന വിദ്യാർത്ഥികളുടെ പങ്കാളിത്തവും ഇത്തവണത്തെ മേളയുടെ പ്രത്യേകതയാണ്. ആർ.എസ്. ലക്ഷ്മി നന്ദന രൂപകൽപ്പന ചെയ്ത 'കുട്ടു' ആണ് ഔദ്യോഗിക മാസ്കോട്ട്. താരങ്ങൾക്ക് താമസവും ഭക്ഷണവും ഉൾപ്പെടെയുള്ള വിപുലമായ ഒരുക്കങ്ങൾ ഇതിനോടകം പൂർത്തിയായിട്ടുണ്ട്.
cxzcxzcxzcxz
