മമതയ്ക്ക് വൻ തിരിച്ചടി: തൃണമൂലിൽ പരസ്യ പിളർപ്പ്, വിമത എംപിമാർ ബിജെപിയിലേക്ക്?
ഷീബ വിജയൻ
തൃണമൂൽ കോൺഗ്രസ് നേതൃത്വത്തെ ഞെട്ടിച്ചുകൊണ്ട് പാർട്ടിയിലെ വിമത എംപിമാർ പരസ്യമായ പിളർപ്പിലേക്ക് നീങ്ങുന്നു. പാർലമെന്റിൽ തങ്ങൾക്ക് പ്രത്യേക ബ്ലോക്ക് അനുവദിക്കണമെന്ന് ആവശ്യപ്പെട്ട് വിമതർ ഉടൻ തന്നെ ലോക്സഭാ സ്പീക്കറെ കാണുമെന്നാണ് റിപ്പോർട്ടുകൾ വ്യക്തമാക്കുന്നത്. ബിജെപിയുമായി സഹകരിച്ച് മുന്നോട്ട് പോകാനാണ് ഇവരുടെ തീരുമാനം. ഭരണഘടനാ ബില്ലുകളിൽ അടക്കം ബിജെപിയെ പിന്തുണയ്ക്കുമെന്ന സൂചനയും ഇവർ നൽകുന്നുണ്ട്.
ഇരുസഭകളിലുമായി മുപ്പതോളം എംപിമാർ തങ്ങളുടെ പക്ഷത്തുണ്ടെന്നാണ് വിമതരുടെ അവകാശവാദം. അഭിഷേക് ബാനർജിയുടെ നേതൃത്വത്തെ അംഗീകരിക്കാൻ കഴിയില്ലെന്ന നിലപാടിലാണ് ഈ വിഭാഗം. പാർട്ടി നേതൃത്വവുമായി ദീർഘനാളായി നിലനിന്നിരുന്ന ഭിന്നതകളാണ് ഇപ്പോൾ പരസ്യമായ പിളർപ്പിൽ എത്തിനിൽക്കുന്നത്. തൃണമൂൽ കോൺഗ്രസിന്റെ ഔദ്യോഗിക വിപ്പുകളിൽ നിന്നും തീരുമാനങ്ങളിൽ നിന്നും മാറി സ്വതന്ത്രമായ നിലപാട് സ്വീകരിക്കാനാണ് ഇവരുടെ ലക്ഷ്യം.
eqwqweqw
