കോളേജ് ബസ് ഹോട്ടലിലേക്ക് ഇടിച്ചു കയറി ഹോട്ടൽ ജീവനക്കാരിക്ക് ദാരുണാന്ത്യം
വടക്കാഞ്ചേരി കുണ്ടന്നൂർ ചുങ്കത്ത് നിയന്ത്രണംവിട്ട കോളേജ് ബസ് ഹോട്ടലിലേക്ക് ഇടിച്ചുകയറിയ അപകടത്തിൽ ഹോട്ടൽ ജീവനക്കാരി മരിച്ചു. മാങ്ങാട് സ്വദേശിനി സരള (38)ആണ് മരിച്ചത്.
ഇന്ന് രാവിലെ 8.40ന് ആയിരുന്നു അപകടം. ദേശമംഗലം മലബാർ എൻ‍ജിനീയറിംഗ് കോളേജിലെ ബസാണ് അപകടത്തിൽ‍പ്പെട്ടത്. ഡ്രൈവർക്ക് തലചുറ്റിയതോടെ നിയന്ത്രണം വിട്ട ബസ് ഹോട്ടലിലേക്ക് ഇടിച്ചുകയറുകയായിരുന്നു. ബസിലുണ്ടായിരുന്ന അഞ്ച് വിദ്യാർ‍ഥികൾക്കും പരിക്കേറ്റു.
a
