ശബരിമല നിയമനിര്മാണത്തിന് പരിമിതിയുണ്ടെന്ന് വി. മുരളീധരന്
ശബരിമല സ്ത്രീ പ്രവേശം സുപ്രിംകോടതിയുടെ പരിഗണനയിലാണെന്നും നിയമനിര്മാണത്തിന് പരിമിതിയുണ്ടെന്നും കേന്ദ്രമന്ത്രി വി. മുരളീധരന്. ദേവസ്വം മന്ത്രി കടകംപള്ളി സുരേന്ദ്രന് മറുപടി നല്കുകയായിരുന്നു മന്ത്രി. ഇക്കാര്യം കടകംപള്ളിക്ക് അറിഞ്ഞുകൂടെയെന്ന് മുരളീധരന് ചോദിച്ചു. കടകംപള്ളി സുരേന്ദ്രന് ചെയ്തത് ജനങ്ങള്ക്ക് അറിയാം. തെരഞ്ഞെടുപ്പായപ്പോള് മന്ത്രി കടകം മറിഞ്ഞതാണെന്നും മുരളീധരന് പറഞ്ഞു. കടകംപള്ളി പറഞ്ഞ കാര്യങ്ങള് പാര്ട്ടി അംഗീകരിച്ചിട്ടുണ്ടോയെന്ന് വ്യക്തമാക്കണമെന്നും മുരളീധരന്.
