താത്കാലിക ജീവനക്കാരെ സ്ഥിരപ്പെടുത്തല് നിര്ത്തിവെക്കാൻ മന്ത്രിസഭാ തീരുമാനം
തിരുവനന്തപുരം: താത്കാലിക ജീവനക്കാരെ സ്ഥിരപ്പെടുത്തുന്ന നടപടി സര്ക്കാർ നിര്ത്തിവച്ചു. മന്ത്രിസഭാ യോഗത്തിലാണ് തീരുമാനം. സ്ഥിരപ്പെടുത്തല് വിവാദമായ സാഹചര്യത്തിലാണ് തീരുമാനം. സര്ക്കാർ നിലപാട് ശരിയായിരുന്നുവെന്നും മന്ത്രിസഭായോഗം വിലയിരുത്തി.
കരാര് ജീവനക്കാരെയും താത്കാലിക ജീവനക്കാരെയും സ്ഥിരപ്പെടുത്താനുള്ള തീരുമാനമാണ് സര്ക്കാർ നിര്ത്തിവച്ചിരിക്കുന്നത്. മൂന്നുമണിക്കൂര് നീണ്ടുനിന്ന മന്ത്രിസഭാ യോഗത്തിന്റേതാണ് തീരുമാനം. നിരവധി വകുപ്പുകളാണ് സ്ഥിരപ്പെടുത്തല് ശുപാര്കളുമായി മന്ത്രിസഭാ യോഗത്തിന്റെ അംഗീകാരം തേടി എത്തിയത്. എന്നാല് ഏറെ വിവാദങ്ങളുണ്ടായ സാഹചര്യത്തില് ഇനി സ്ഥിരപ്പെടുത്തല് വേണ്ടെന്ന നിലപാടാണ് മുഖ്യമന്ത്രി തീരുമാനിച്ചത്.
