ബിനീഷ് കോടിയേരിയെ എന്ഫോഴ്സ്മെന്റ് ഡയറക്ടറേറ്റ് വീണ്ടും ചോദ്യം ചെയ്യുന്നു
ബെംഗളൂരു: ബിനീഷ് കോടിയേരിയെ ബെംഗളൂരുവില് എന്ഫോഴ്സ്മെന്റ് ഡയറക്ടറേറ്റ് വീണ്ടും ചോദ്യം ചെയ്യുന്നു. ലഹരിക്കടത്ത് കേസിലെ മുഖ്യപ്രതി അനൂപ് മുഹമ്മദിന്റെ മൊഴിയുടെ പശ്ചാത്തലത്തിലാണ് വീണ്ടും ചോദ്യം ചെയ്യല്. ബിനീഷ് നല്കിയ പണം അനൂപ് ലഹരിക്കടത്തിന് ഉപയോഗപ്പെടുത്തിയോ എന്ന് വ്യക്തത വരുത്തുകയാണ് ലക്ഷ്യം. 11 മണിയോടെയാണ് ഇഡി സോണല് ഓഫീസില് ബിനീഷ് ചോദ്യം ചെയ്യലിന് ഹാജരാക്കിയത്. ഒക്ടോബര് ആദ്യം നടത്തിയ ചോദ്യം ചെയ്യലില് ചില പൊരുത്തക്കേടുകള് ശ്രദ്ധയില്പ്പെട്ടതിനെതുടര്ന്നാണ് വീണ്ടും ചോദ്യം ചെയ്യല്.
ബിനീഷിനെ ഈ മാസം ഏഴിനും എന്ഫോഴ്സ്മെന്റ് ഡയറക്ടറേറ്റിന്റെ ബംഗളൂരു യൂണിറ്റ് ചോദ്യം ചെയ്തിരുന്നു. അനൂപ് മുഹമ്മദിന്റെ മൊഴിയുടെ അടിസ്ഥാനത്തിലാണ് ബിനീഷിനെ ചോദ്യം ചെയ്തത്. അനൂപിന് ആറ് ലക്ഷം രൂപ മാത്രം നല്കിയിട്ടുള്ളെന്ന് ബിനീഷ് മൊഴി നല്കിയിരുന്നു. എന്നാല് അനൂപ് ഇ ഡി ഉദ്യോഗസ്ഥരോട് മൊഴി നല്കിയത് ബിനീഷ് 50 ലക്ഷം രൂപ നല്കിയെന്നാണ്.
