കിടങ്ങൂര്‍ കാവാലിപ്പുഴയില്‍ പ്ലസ് വണ്‍ വിദ്യാര്‍ത്ഥി മുങ്ങിമരിച്ചു
എറണാകുളം: കിടങ്ങൂര്‍-കാവാലിപ്പുഴക്കടവ് മിനി ബീച്ചിൽ പ്ലസ് വൺ വിദ്യാർത്ഥി മുങ്ങി മരിച്ചു. അതിരമ്പുഴ കോട്ടമുറി താന്നിക്കൽ ഷിയാസിന്റെ മകൻ ആഷിക്ക് ഷിയാസ് (16) ആണ് മരിച്ചത്. ഞായറാഴ്ച രാവിലെ സുഹൃത്തുക്കൾക്കൊപ്പം കാവാലിപ്പുഴയിലെത്തിയ ആഷിക്ക് നദിക്ക് കുറുകെ നീന്തുന്നതിനിടെ ഒഴുക്കിൽപ്പെടുകയായിരുന്നു. പാലായിൽ നിന്നെത്തിയ അഗ്നിരക്ഷാ സേനാംഗങ്ങൾ നാട്ടുകാരുടെ സഹായത്തോടെ മൃതദേഹം കണ്ടെത്തി. കിടങ്ങൂർ പോലീസ് മേൽനടപടികൾ സ്വീകരിച്ചു.
