പിണറായി വിജയനെതിരേ എഫ്‌ഐആര്‍ ഇടാനുള്ള ഹൈക്കോടതി നിര്‍ദേശത്തില്‍ കോടതിവിധി കിട്ടിയ ശേഷം തീരുമാനം:രമേശ് ചെന്നിത്തല
ശാരിക
തിരുവനന്തപുരം: പിണറായി വിജയനെതിരേ എഫ്‌ഐആര്‍ ഇടാനുള്ള ഹൈക്കോടതി നിര്‍ദേശത്തില്‍ കോടതിവിധി കിട്ടിയ ശേഷം തീരുമാനം എടുക്കുമെന്ന് ആഭ്യന്തരമന്ത്രി രമേശ് ചെന്നിത്തല അറിയിച്ചു. വിധിന്യായം പഠിച്ച ശേഷം ഉടന്‍തന്നെ തീരുമാനം എടുക്കുമെന്നും അദ്ദേഹം പ്രതികരിച്ചു. സുപ്രീംകോടതി വിധി അഞ്ചുകേസുകളില്‍ പ്രാഥമികാന്വേഷണം നടത്തിയ ശേഷമാണ് എഫ്‌ഐആര്‍ ഇടാവൂ എന്നാണ് വ്യക്തമാക്കുന്നത്. ഇക്കാര്യത്തില്‍ കിട്ടിയ നിയമോപദേശത്തിന് അനുസരിച്ചാണ് സര്‍ക്കാര്‍ നീങ്ങിയത്. ഹൈക്കോടതി എന്താണ് പറഞ്ഞതെന്ന് പരിശോധിച്ചായിരിക്കും തുടര്‍ന്നുള്ള നിയമനടപടി തീരുമാനിക്കുക.
നടപടി അനുസരിച്ച്‌ നിയമോപദേശം അനുസരിച്ചായിരിക്കണം സര്‍ക്കാര്‍ പ്രവര്‍ത്തിക്കേണ്ടത്. ഹൈക്കോടതി നിര്‍ദേശം സര്‍ക്കാരിന് ഒരു തിരിച്ചടിയല്ലെന്നും രമേശ് ചെന്നിത്തല പ്രതികരിച്ചു. ഇ.ഡി. കേസെടുക്കണം എന്നാവശ്യപ്പെട്ട് ഡിജിപിയ്ക്ക് കത്ത് നല്‍കിയിരുന്നു. ഈ കത്ത് അനുസരിച്ച്‌ എജിയില്‍ നിന്നും നിയമോപദേശം തേടിയപ്പോള്‍ മുമ്പ് ഉണ്ടായ കേസില്‍ സുപ്രീംകോടതി വിധിയുടെ കൂടി പശ്ചാത്തലത്തിലാണ് പ്രാഥമികാന്വേഷണത്തിന് ശേഷം മതി എഫ്‌ഐആര്‍ എന്ന് സര്‍ക്കാര്‍ തീരുമാനിച്ചതെന്നും അദ്ദേഹം വ്യക്തമാക്കി. ബിജെപി ആദ്യം ഗ്യാനേഷ്‌കുമാറിനെ കൊണ്ട് രാജിവെപ്പിക്കുകയാണ് ചെയ്യേണ്ടതെന്നും അദ്ദേഹം പറഞ്ഞു.
വോട്ട് ഒരു വ്യക്തിയുടെ അവകാശമാണ്. അതിനെ നിഷേധിക്കാന്‍ ആര്‍ക്കും അവകാശമില്ല. സാധാരണക്കാരായ അനേകരുടെ വോട്ടാണ് ഇല്ലാതാക്കിയത്. ഒരാളുടെ വോട്ട് ഇല്ലാതാക്കുക എന്ന് പറഞ്ഞാല്‍ അയാള്‍ മരിച്ചെന്നാണ് അര്‍ത്ഥം. ജീവിച്ചിരിക്കുന്നവര്‍ മരിച്ചെന്ന് പറയാന്‍ ആര്‍ക്കും അവകാശമില്ല. വോട്ടവകാശം തിരിച്ചുപിടിക്കാനുള്ള പോരാട്ടത്തില്‍ ജനങ്ങള്‍ രാഹുല്‍ഗാന്ധിക്കൊപ്പമുണ്ടെന്നും അതാണ് ഡല്‍ഹിയില്‍ കാണുന്നതെന്നും രമേശ് ചെന്നിത്തല കൂട്ടിചേർത്തു.
sdsd
