ഫുട്ബോൾ മത്സരത്തിനിടെ ഇരു ടീമുകളിലെയും ആരാധകർ തമ്മിലുണ്ടായ ഏറ്റുമുട്ടൽ ഗിനിയിൽ നൂറിലേറെ പേർ മരിച്ചു
കൊണെക്രി: ഫുട്ബോൾ മത്സരത്തിനിടെ ഇരു ടീമുകളിലെയും ആരാധകർ തമ്മിലുണ്ടായ ഏറ്റുമുട്ടലിൽ നൂറിലേറെ പേർ മരിച്ചതായി റിപ്പോർട്ട്. പടിഞ്ഞാറൻ ആഫ്രിക്കന് രാജ്യമായ ഗിനിയിലെ രണ്ടാമത്തെ വലിയ നഗരമായ എന്സെറെകോരയിലാണ് അപകടം നടന്നത്. നഗരത്തിലെ മോര്ച്ചറികളിലും ആശുപത്രി വരാന്തകളിലു ശവശരീരങ്ങള് കൊണ്ട് നിറഞ്ഞിരിക്കുകയാണെന്ന് വാര്ത്താ ഏജന്സിയായാ എ.എഫ്.പി റിപ്പോര്ട്ട് ചെയ്തു.
ഗിനിയൻ പ്രസിഡന്റ് മാമാദി ദൗംബൗയയെ ആദരിക്കുന്നതിനു വേണ്ടിയായിരുന്നു മത്സരം സംഘടിപ്പിച്ചത്. റഫറിയുടെ ഒരു തീരുമാനമാണ് അക്രമസംഭവങ്ങള്ക്ക് വഴിവെച്ചത്. തുടർന്ന് ടീമുകളുടെ ആരാധകര് ഗ്രൗണ്ട് കയ്യേറിയതോടെയാണ് അക്രമങ്ങള് ആരംഭിച്ചത്. അക്രമികള് എസെരെകോരെയിലെ പോലീസ് സ്റ്റേഷന് തീയിട്ടു. 2021ല് നിലവിലെ ആല്ഫ കോണ്ടെയുടെ ഭരണകൂടത്തെ അട്ടിമറിച്ച് ഭരണം പിടിച്ചെടുത്ത നേതാവാണ് സൈനികന് കൂടിയായ ദൗംബൗയ. വരാനിരിക്കുന്ന പൊതുതെരഞ്ഞെടുപ്പില് ഭരണം നിലനിര്ത്താനുള്ള ശ്രമങ്ങളുടെ ഭാഗമായാണ് രാജ്യത്തിന്റെ പല ഭാഗങ്ങളിലും ഇത്തരം ഫുട്ബോള് ടൂര്ണമെന്റുകള് സംഘടിപ്പിച്ചുവരുന്നത്.
്ി്ിു്ിു
