പ്ലസ്ടു പരീക്ഷ: ഗൾഫ് രാജ്യങ്ങളില് സയൻസ് സ്ട്രീമിലെ രണ്ടാം റാങ്ക് ഇന്ത്യൻ സ്കൂൾ വിദ്യാർത്ഥിനിക്ക്
മനാമ: പന്ത്രണ്ടാം ക്ലാസ് പരീക്ഷയില് ഗൾഫ് രാജ്യങ്ങളില് സയൻസ് സ്ട്രീമിലെ രണ്ടാം റാങ്ക് ഇന്ത്യൻ സ്കൂൾ വിദ്യാർത്ഥിനി ആരതി ഗോവിനാദരാജുവിന് ലഭിച്ചു. കഴിഞ്ഞ മാർച്ചിൽ നടന്ന സിബിഎസ്ഇ പന്ത്രണ്ടാം ക്ലാസ് പരീക്ഷയിൽ 500 ൽ 492 മാർക്ക് നേടിയാണ് ആരതി രണ്ടാം റാങ്കിന് അര്ഹയായത്. ഗൾഫിലെ സിബിഎസ്ഇ സ്കൂളുകളുടെ കൗൺസിലായ സിബിഎസ്ഇ ഗൾഫ് സഹോദയയാണ് ഇക്കാര്യം സ്ഥിരീകരിച്ചത്. ഇംഗ്ലീഷിൽ 96, ഫിസിക്സിൽ 98, കെമിസ്ട്രി, ബയോടെക്നോളജി എന്നിവയില് 99, ബയോളജിയിൽ 100 എന്നിങ്ങനെയാണ് ആരതിയുടെ മാര്ക്ക്.
