വന്ദേ ഭാരത്: ബഹ്റൈനിൽ നിന്ന് കേരളത്തിലേക്ക് ആറ് വിമാനങ്ങൾ കൂടി
മനാമ: വന്ദേഭാരത് മിഷന്റെ അടുത്ത ഘട്ടത്തിൽ ബഹ്റൈനിൽ നിന്ന് കേരളത്തിലേക്കുള്ള ആറ് വിമാനങ്ങളുടെ ഷെഡ്യൂൾ പ്രഖ്യാപിച്ചു. ആഗസ്റ്റ് 16 മുതൽ 28 വരെയാണ് സർവ്വീസുകൾ ഉണ്ടാവുക. ആഗസ്റ്റ് 16 നും 23 നും കോഴിക്കോട്ടേക്കും, 19 നും 26 നും കൊച്ചിയിലേക്കും 19 ന് തിരുവനന്തപുരത്തേക്കും 28 ന് കണ്ണൂരിലേക്കുമാണ് വിമാനങ്ങൾ. എയർ ഇന്ത്യ ഒാഫീസിൽ പോകാതെ തന്നെ ഇന്ത്യ എക്സ്പ്രസ് വെബ് സൈറ്റ് വഴി ടിക്കറ്റ് ബുക്ക് ചെയ്യാം. ബഹ്റൈനിലെ ട്രാവൽ ഏജന്റ്മാർ വഴിയും ടിക്കറ്റ് ബുക്ക് ചെയ്യാം. യാത്രക്കാർ ഇന്ത്യൻ എംബസിയിൽ രജിസ്റ്റർ ചെയ്തവരായിരിക്കണം.
