ഐ.വൈ.സി.സി വടംവലി മത്സരം സംഘടിപ്പിക്കും
മനാമ : ഇന്ത്യൻ യൂത്ത് കൾച്ചറൽ കോൺഗ്രസ് (ഐ.വൈ.സി.സി) ദേശീയ കമ്മറ്റിയുടെ ആഭിമുഖ്യത്തിൽ ഓണം-ഈദ് ആഘോഷങ്ങളുടെ ഭാഗമായി ‘വടം വലി മത്സരം’ സംഘടിപ്പിക്കുമെന്ന് സംഘാടകർ അറിയിച്ചു. സൽമാനിയ സൽക്കാര റെസ്റ്റോറാന്റിന് പിൻവശത്തായി സ്ഥിതി ചെയ്യുന്ന മൈതാനത്താണ് മത്സരം സംഘടിപ്പിക്കുക.
സെപ്തംബർ 1ന് (വെള്ളി) വൈകീട്ട് 4 മണിക്കാണ് മത്സരം ആരംഭിക്കുന്നത്. ബഹ്റൈനിലെ പ്രമുഖ ടീമുകൾ മാറ്റുരയ്ക്കുന്ന മത്സരത്തിലെ വിജയികൾക്ക് ആകർഷകമായ സമ്മാനങ്ങളും നൽകും. കൂടുതൽ വിവരങ്ങൾക്കും രജിസ്ട്രേഷനുമായി അബിൻ സജീവ് (സ്പോർട്സ് വിങ് കൺവീനർ, 38244001), ജെയ്സൺ മുണ്ടുകോട്ടക്കൽ (66995528) എന്നിവരുമായി ഫോണിൽ ബന്ധപ്പെടുക.
