ഷെയ്ഖ് ഖലീഫ ബിൻ സൽമാൻ ഹൈവേയിൽ പുതിയ യു-ടേൺ തുറന്നു; ഗതാഗതക്കുരുക്കിന് വലിയ പരിഹാരം
പ്രദീപ് പുറവങ്കര
മനാമ: രാജ്യത്തെ ഗതാഗതക്കുരുക്ക് കുറയ്ക്കുന്നതിനും വാഹനങ്ങളുടെ സുഗമമായ യാത്ര ഉറപ്പാക്കുന്നതിനുമായി ഷെയ്ഖ് ഖലീഫ ബിൻ സൽമാൻ ഹൈവേയും സല്ലാഖ് ഹൈവേയും ചേരുന്ന ജംഗ്ഷനിൽ പുതിയ രണ്ട് വരി യു-ടേൺ (U-turn) തുറന്ന് പൊതുമരാമത്ത് മന്ത്രാലയം (Ministry of Works).
യാത്രാദൂരം ഗണ്യമായി കുറയ്ക്കുന്ന ഈ 1.3 കിലോമീറ്റർ പാത തുറന്നതോടെ അൽ റഫ ഉൾപ്പെടെയുള്ള സമീപപ്രദേശങ്ങളിലേക്ക് യാത്രക്കാർക്ക് ഇനി എളുപ്പത്തിൽ എത്തിച്ചേരാനാകും. റോഡിൻ്റെ കാര്യക്ഷമത വർദ്ധിപ്പിക്കുന്നതിനൊപ്പം ഈ മേഖലയിലെ ഗതാഗതക്കുരുക്ക് ലഘൂകരിക്കാനും പുതിയ പരിഷ്കാരം സഹായിക്കും.
ഈ പദ്ധതിയുടെ ഭാഗമായി സല്ലാഖ് ഹൈവേയിൽ നിന്നുള്ള റൈറ്റ്-ടേൺ (Right-turn) കണക്ഷൻ വികസിപ്പിക്കുകയും, അതോടൊപ്പം തന്നെ അനുബന്ധ അടിസ്ഥാന സൗകര്യങ്ങൾ മികച്ച രീതിയിൽ നവീകരിക്കുകയും ചെയ്തിട്ടുണ്ടെന്ന് മന്ത്രാലയം അറിയിച്ചു.
േ്ോേ്
