അക്രമം : ബഹ്റൈനിൽ പ്രതിക്ക് അഞ്ച് വർഷം തടവ്
പ്രദീപ് പുറവങ്കര
മനാമ: കഴിഞ്ഞ മാർച്ച് മാസത്തിൽ ബഹ്റൈനിലുണ്ടായ അക്രമസംഭവങ്ങളുമായും അട്ടിമറി പ്രവർത്തനങ്ങളുമായും ബന്ധപ്പെട്ട കേസിൽ പ്രതിക്ക് ഹൈ ക്രിമിനൽ കോടതി അഞ്ച് വർഷം തടവുശിക്ഷ വിധിച്ചു. ശിക്ഷാവിധിയോടൊപ്പം കേസിന്റെ ഭാഗമായി പിടിച്ചെടുത്ത തൊണ്ടിമുതലുകൾ കണ്ടുകെട്ടാനും കോടതി ഉത്തരവിട്ടിട്ടുണ്ട്.
സംഭവം നടന്ന സ്ഥലത്തുനിന്നുതന്നെ പ്രതിയെ അറസ്റ്റ് ചെയ്തിരുന്നതായി പബ്ലിക് പ്രോസിക്യൂഷൻ വ്യക്തമാക്കി. തുടർന്ന് വിശദമായ അന്വേഷണത്തിനായി ഇയാളെ കൈമാറുകയും, വിചാരണയ്ക്ക് മുന്നോടിയായി സാക്ഷിമൊഴികളും കൃത്യമായ തെളിവുകളും ശേഖരിക്കുകയും ചെയ്തിരുന്നു.
പൊതുസുരക്ഷയ്ക്കും സാമൂഹിക സുസ്ഥിരതയ്ക്കും ഭീഷണിയുയർത്തുന്ന ഇത്തരം അക്രമപ്രവർത്തനങ്ങൾക്കെതിരെ കർശനമായ നിയമനടപടികൾ സ്വീകരിക്കുമെന്ന തങ്ങളുടെ പ്രതിബദ്ധത അധികൃതർ വീണ്ടും ആവർത്തിച്ചു വ്യക്തമാക്കി.
gjugu
