തമിഴ്നാട്ടിൽ ഗവർണർ-സർക്കാർ പോര് രൂക്ഷം; 10 ബില്ലുകൾ തിരിച്ചയച്ചു
തമിഴ്നാട്ടില് ഗവര്ണര്-സര്ക്കാര് പോര് രൂക്ഷമാകുന്നു. തമിഴ്നാട് നിയമസഭ പാസ്സാക്കിയ 10 ബില്ലുകള് ഗവര്ണര് ആര് എന് രവി ഒപ്പിടാതെ തിരിച്ചയച്ചു. ഇതേത്തുടര്ന്ന് നിയമസഭയുടെ പ്രത്യേക സമ്മേളനം മറ്റന്നാള് കൂടും. തിരിച്ചയച്ച ബില്ലുകള് പാസാക്കി വീണ്ടും ഗവര്ണര്ക്ക് അയക്കാനാണ് ഡിഎംകെ സര്ക്കാരിന്റെ തീരുമാനം.
ബില്ലുകളില് ഒപ്പിടാത്ത ഗവര്ണറുടെ നടപടിക്കെതിരെ എംകെ സ്റ്റാലിന് സര്ക്കാര് സുപ്രിംകോടതിയില് ഹര്ജി നല്കിയിരുന്നു. ഈ ഹര്ജിയില് കോടതി ഗവര്ണര്ക്കെതിരെ രൂക്ഷ വിമര്ശനം ഉന്നയിച്ചിരുന്നു. ബില്ലുകളില് ഉടന് തീരുമാനമെടുക്കാൻ ഗവര്ണര്ക്ക് കോടതി നിര്ദേശം നല്കിയിരുന്നു. നിയമസഭ പാസാക്കിയ ബില്ലുകള് അംഗീകാരത്തിനായി എത്തുമ്പോള് എത്രയും വേഗം തീരുമാനമെടുക്കണമെന്ന് ഭരണഘടന നിര്ദേശിച്ചിട്ടുണ്ടെന്നും കോടതി ചൂണ്ടിക്കാട്ടി. തമിഴ്നാട് സര്ക്കാരിന്റെ ഹര്ജി നവംബര് 20 ന് പരിഗണിക്കാനായി സുപ്രീംകോടതി മാറ്റിവെച്ചിരിക്കുകയാണ്.
ADSADSADSADSADS
