രാജ്യത്ത് മൂന്ന് കുട്ടികള് ഉള്ളവരെ ജയിലില് അടക്കുകയാണ് വേണ്ടതെന്ന് കങ്കണ
ന്യൂഡൽഹി: രാജ്യത്ത് ജനസംഖ്യ നിയന്ത്രണത്തിനായി കര്ശന നിയമങ്ങള് വരേണ്ടതുണ്ടെന്നും മൂന്ന് കുട്ടികള് ഉള്ളവരെ ജയിലില് അടക്കുകയാണ് വേണ്ടതെന്നും നടി കങ്കണ റണാവത്ത്. രാജ്യത്തെ കോവിഡ് വ്യാപനം തീവ്രമായത് ജനസംഖ്യ കൂടിയതിനാലാണെന്ന് നടി കങ്കണ റണാവത്ത് ട്വീറ്റ് ചെയ്തത്. കഴിഞ്ഞ ദിവസമാണ് എന്നും വിവാദ ട്വീറ്റുകളിലൂടെ ശ്രദ്ധേയായ ദേശീയ അവാര്ഡ് ജേതാവായ നടിയുടെ അഭിപ്രായ പ്രകടനം.
‘രാജ്യത്ത് ജനസംഖ്യ നിയന്ത്രണത്തിന് കര്ശന നിയമങ്ങള് വേണം. വോട്ട് രാഷ്ട്രീയത്തെക്കാൾ പ്രാധാന്യം വേണ്ടതാണിത്. ഇത്തരം ഒരു പ്രശ്നത്തെ ആദ്യം നിയന്ത്രിക്കാന് ശ്രമിച്ചത് ഇന്ദിരാ ഗാന്ധിയാണ്. ജനസംഖ്യ നിയന്ത്രണത്തെ കുറിച്ച് സംസാരിച്ചതിനാല് അടുത്ത തെരഞ്ഞെടുപ്പില് അവര് തോല്ക്കുകയായിരുന്നു. പിന്നീട് അവരെ കൊല്ലുകയും ചെയ്തു. ഇന്നത്തെ ഈ അവസ്ഥ നോക്കുന്പോൾ മൂന്നു കുട്ടികൾ ഉളളവരെ ജയിലിൽ അടയ്ക്കുകയോ അല്ലെങ്കിൽ പിഴ നൽകുകയോ ചെയ്യേണ്ട നിയമം കൊണ്ടുവരേണ്ടി വരും.’–കങ്കണ പറഞ്ഞു.
