തെലുങ്കാന ലെജിസ്ലേറ്റീവ് കൗൺസിൽ തെരഞ്ഞെടുപ്പിൽ നരസിംഹ റാവുവിന്റെ മകൾ വിജയിച്ചു
ഹൈദരാബാദ്: തെലുങ്കാന ലെജിസ്ലേറ്റീവ് കൗൺസിൽ തെരഞ്ഞെടുപ്പിൽ മുൻ പ്രധാനമന്ത്രി പി.വി നരസിംഹ റാവുവിന്റെ മകൾ എസ്. വാണി ദേവി ജയിച്ചു. ടിആർഎസ് സ്ഥാനാർത്ഥിയായിരുന്നു വാണി ദേവി. ബിജെപി സ്ഥാനാർത്ഥിയും നിലവിലെ എംഎൽസിയുമായ എൻ. രാമചന്ദ്ര റാവുവിനെയാണ് പരാജയപ്പെടുത്തിയത്. ഈ മാസം 14 ന് ആണ് തെരഞ്ഞെടുപ്പ് നടന്നത്.
മഹബൂബ്നഗർ− രംഗ റെഡ്ഡി− ഹൈദരാബാദ് മണ്ഡലത്തിൽ നിന്നാണ് വാണി ദേവി ജയിച്ചത്. ഇതിനൊപ്പം വാറംഗൽ−ഖമ്മം−നൽഖോണ്ഡ മണ്ഡലത്തിലും തെരഞ്ഞെടുപ്പ് നടന്നിരുന്നു. ഇവിടെ ഫലം ഔദ്യോഗികമായി പുറത്തുവന്നിട്ടില്ല. നിലവിലെ എംഎൽസിയും ടിആർഎസ് സ്ഥാനാർത്ഥിയുമായ പല്ല രാജേശ്വര റെഡ്ഡിയാണ് മുന്നിൽ.
