ചെന്നൈ മെട്രോ രണ്ടാംഘട്ടം: ആദ്യ പാത പ്രധാനമന്ത്രി നരേന്ദ്ര മോദി ഉദ്ഘാടനം ചെയ്തു
ശാരിക
ചെന്നൈ: ചെന്നൈ മെട്രോ റെയിൽ രണ്ടാംഘട്ടത്തിലെ ആദ്യ പാത പ്രധാനമന്ത്രി നരേന്ദ്ര മോദി ഉദ്ഘാടനം ചെയ്തു. തമിഴ്നാട് മുഖ്യമന്ത്രി സി. ജോസഫ് വിജയ്‌ക്കൊപ്പം പ്രധാനമന്ത്രി മെട്രോയിൽ യാത്രയും നടത്തി. ചെന്നൈയിലെ പൊതുഗതാഗത സൗകര്യങ്ങൾ വിപുലീകരിക്കുന്നതിന്റെ ഭാഗമായി പൂനമല്ലി ബൈപാസ്–വടപളനി പാതയാണ് യാത്രക്കാർക്കായി തുറന്നത്. ഏകദേശം 4,900 കോടി രൂപ ചെലവിലാണ് ഈ പാത വികസിപ്പിച്ചത്.
പൂന്തോളിൽനിന്നും വടകരയ്ക്കും ഇടയിലുള്ള ഏകദേശം 15 കിലോമീറ്റർ പാതയിൽ 11 സ്റ്റേഷനുകളാണുള്ളത്. ആദ്യഘട്ടത്തിൽ 15 ട്രെയിനുകളാണ് സർവീസ് നടത്തുക. തിരക്കുള്ള സമയങ്ങളിൽ 10 മിനിറ്റ് ഇടവേളയിലും തിരക്ക് കുറഞ്ഞ സമയങ്ങളിൽ 15 മിനിറ്റ് ഇടവേളയിലും ട്രെയിനുകൾ ലഭ്യമാകും. ഉദ്ഘാടനദിനമായ ഒക്ടോബർ 11-ന് വൈകീട്ട് നാലുമണിക്ക് ശേഷമാണ് യാത്രക്കാർക്കുള്ള സർവീസ് ആരംഭിക്കുക. ഒക്ടോബർ 12 മുതൽ രാവിലെ ഏഴുമതൽ രാത്രി ഒൻപതുവരെ ട്രെയിനുകൾ സർവീസ് നടത്തും. നിലവിൽ ഒന്നാംഘട്ട മെട്രോ പാതയിൽ രാവിലെ ആറുമതൽ രാത്രി 11 വരെയാണ് സർവീസ്.
പേട്ടയ്ക്കും വടകരയ്ക്കും ഇടയിലുള്ള ആറു സ്റ്റേഷനുകളിലെ നിർമാണപ്രവർത്തനങ്ങൾ പൂർത്തിയാക്കുന്നതിനായിട്ടാണ് തുടക്കത്തിൽ പ്രവർത്തി സമയം കുറച്ചത്. നിർമാണം പൂർത്തിയാകുന്നതോടെ ട്രെയിൻ സർവീസുകളുടെ ഇടവേള കുറയ്ക്കാനാകുമെന്നാണ് പ്രതീക്ഷ. 118.9 കിലോമീറ്റർ ദൈർഘ്യമുള്ള ചെന്നൈ മെട്രോ രണ്ടാംഘട്ട പദ്ധതി നഗരത്തിലെ വിവിധ മേഖലകളെ ബന്ധിപ്പിക്കുന്ന വിപുലമായ ഗതാഗത ശൃംഖലയാണ്. ആദ്യ പാതയുടെ പ്രവർത്തനം ആരംഭിച്ചതോടെ ചെന്നൈയിലെ യാത്രക്കാർക്ക് കൂടുതൽ സൗകര്യപ്രദമായ പൊതുഗതാഗത സംവിധാനം ലഭ്യമാകും.
േ്ിേി
