കുവൈത്ത് വിമാനത്താവളത്തിൽ ബാഗേജ് പരിശോധനയ്ക്ക് സ്മാർട്ട് ഉപകരണങ്ങൾ
കുവൈത്ത് സിറ്റി: കുവൈത്ത് വിമാനത്താവ ളത്തിൽ ബാഗേജ് പരിശോധിക്കുന്നതിനു നൂതന സ്മാർട്ട് ഉപകരണങ്ങൾ സ്ഥാപിച്ചതായി വിമാനത്താവളം ഡെപ്യൂട്ടി ഡയറക്ടർ ജനറൽ ഫഹദ് സുലൈമാൻ അൽ വഖയാൻ അറിയിച്ചു. മണിക്കൂറിൽ 1000 ബാഗേജുകൾ പരിശോധിക്കാൻ ശേഷിയുള്ള മൂന്ന് ഉപകരണങ്ങളാണു സ്ഥാ
പിച്ചിട്ടുള്ളത്. അവയിൽ രണ്ടെണ്ണം ഈ ആഴ്ച പ്രവർത്തിച്ചുതുടങ്ങും. മൂന്നാമത്തേതു റിസർവ് ആയാകും കൈകാര്യം ചെയ്യുക. യാത്രക്കാർ പുറപ്പെടുന്ന മേഖലയിൽ ആറു കൺവെയർ ബെൽറ്റുകൾ സ്ഥാപിച്ചതായും അദ്ദേഹം പറഞ്ഞു.
ഈ വേനലിൽ കുവൈത്ത് വിമാനത്താവളത്തിൽ 12 ദശലക്ഷം യാത്രക്കാരുടെ ബഗേജുകൾ എളുപ്പത്തിൽ കൈകാര്യം ചെയ്യുന്നതിനുള്ള സംവിധാനങ്ങളാണ് ഒരുക്കിയിട്ടുള്ളതെന്നും അദ്ദേഹം പറഞ്ഞു.
