വയനാട് എംപിയെന്നത് തനിക്ക് ലഭിച്ച ഏറ്റവും വലിയ ബഹുമതി: രാഹുല് ഗാന്ധി
വയനാട് എംപിയെന്നത് തനിക്ക് ലഭിച്ച ഏറ്റവും വലിയ ബഹുമതിയെന്ന് യുഡിഎഫ് സ്ഥാനാര്ത്ഥി രാഹുല് ഗാന്ധി. കക്ഷിരാഷ്ട്രീയങ്ങള്ക്ക് അതീതമായി താന് എപ്പോഴും വയനാട്ടുകാര്ക്കൊപ്പമുണ്ടാകുമെന്നും പാര്ലമെന്റിനകത്തും പുറത്തും പ്രവര്ത്തിക്കുമെന്നും വയനാട്ടിലെത്തിയ രാഹുല് പ്രവര്ത്തകരെ അഭിസംബോധന ചെയ്ത് സംസാരിക്കവെ പറഞ്ഞു. ഇന്ന് രാവിലെയാണ് രാഹുല് ഗാന്ധി വയനാട്ടിലെത്തിയത്. പ്രിയങ്കാ ഗാന്ധിയും രാഹുലിനൊപ്പമുണ്ട്. റോഡ്ഷോയ്ക്ക് ശേഷം കളക്ടറേറ്റിലെത്തിയ രാഹുല് ഗാന്ധി നാമനിര്ദേശ പത്രിക സമര്പ്പിച്ചു.
'വയനാട്ടില് എത്തിയതില് വളരെയധികം സന്തോഷമുണ്ട്. അഞ്ച് വര്ഷം മുമ്പ് ഞാനിവിടെ വന്നപ്പോള് പുതിയ ഒരാളായിരുന്നു. ഇവിടെ സ്ഥാനാര്ത്ഥിയായി, നിങ്ങളെന്നെ പാര്ലമെന്റ് അംഗമായി തിരഞ്ഞെടുത്തു, നിങ്ങളുടെ കുടുംബാംഗമാക്കി. ജാതിമതഭേദമന്യേ, കക്ഷിരാഷ്ട്രീയ ഭേദമന്യേ ഒരോ വയനാട്ടുകാരനും അവരുടെ സ്നേഹം നല്കി എന്നെ അവരുടെ ഹൃദയത്തിലേക്ക് സ്വീകരിച്ചു. ഇതെന്റെ ഹൃദയത്തില് നിന്നെടുക്കുന്ന വാക്കുകളാണ്'- രാഹുല് പറഞ്ഞു.
dfgfghfghfghfghg
