കേരളത്തിൽ നാളെ മുതൽ ഞായറാഴ്ച വരെ ലോക്ക്ഡൗണിന് സമാനമായ നിയന്ത്രണം
തിരുവനന്തപുരം: സംസ്ഥാനത്ത് കോവിഡ് രൂക്ഷമാകുന്ന സാഹചര്യത്തിൽ ചൊവ്വാഴ്ച മുതൽ ഞായറാഴ്ച വരെ ലോക്ക്ഡൗണിന് സമാനമായ നിയന്ത്രണം ഏർപ്പെടുത്തും. വാരാന്ത്യ ദിനങ്ങളിൽ ഏർപ്പെടുത്തിയതിനു തുല്യമായ കടുത്ത നിയന്ത്രണമാകും നടപ്പാക്കുക. ഇവ ലംഘിക്കുന്നവർക്കെതിരേ ദുരന്തനിവാരണ നിയമപ്രകാരം കേസെടുക്കും.
∗ അത്യാവശ്യമല്ലാതെ യാത്രക്കിറങ്ങിയാൽ തടയാനും കേസെടുക്കാനും പോലീസിന് അധികാരം.
∗ ദീർഘദൂര യാത്ര അത്യാവശ്യമെങ്കിൽ കെഎസ്ആർടിസിയെ ആശ്രയിക്കാം.
∗ വിമാനത്താവളം, ആശുപത്രി, വാക്സിനേഷന് കേന്ദ്രം എന്നിവിടങ്ങളിലേക്ക് പോകാന് തടസമില്ല.
∗ പാൽ, പച്ചക്കറി, പലവ്യഞ്ജനം, മീൻ, മാസം എന്നിവ വിൽക്കുന്ന കടകൾ തുറക്കാം. പരമാവധി ഡോർ ഡെലിവറി വേണം.
∗ പച്ചക്കറി, മീൻ മാർക്കറ്റുകളിൽ കച്ചവടക്കാർ രണ്ടു മീറ്റർ അകലം പാലിക്കണം, രണ്ടു മാസ്കുകളും കഴിയുമെങ്കിൽ കൈയുറയും ധരിക്കണം ∗
ആശുപത്രികൾ, മാധ്യമ സ്ഥാപനങ്ങൾ, ടെലികോം, ഐടി, പാൽ, പത്രവിതരണം, ജലവിതരണം, വൈദ്യുതി എന്നിവയുമായി ബന്ധപ്പെട്ട സ്ഥാപനങ്ങൾക്ക് പ്രവർത്തിക്കാം.
∗ ഹോട്ടലുകൾക്കും റസ്റ്ററന്റുകൾക്കും ഹോം ഡെലിവറി മാത്രം
∗ വിവാഹ, സംസ്കാര ചടങ്ങുകളിൽ പങ്കെടുക്കുന്നതിനു കർശന നിയന്ത്രണങ്ങൾ
∗ തുണിക്കടകൾ, ജ്വല്ലറികൾ, ബാർബർ ഷോപ്പുകൾ തുടങ്ങിയവ തുറക്കില്ല
∗ സ്വകാര്യ സ്ഥാപനങ്ങളിൽ ജോലിക്കു പോകുന്നവർ തിരിച്ചറിയൽ കാർഡ് കാണിക്കണം.
