ഡോ. ഫസല് ഗഫൂറിനെതിരെ ജാമ്യമില്ലാ വകുപ്പ് പ്രകാരം കേസ്
കൊച്ചി: എംഇഎസ് പ്രസിഡണ്ട് ഡോ. ഫസല് ഗഫൂറിനെതിരെ ജാമ്യമില്ലാ വകുപ്പ് പ്രകാരം നടക്കാവ് പോലീസ് എഫ്ഐആര് രജിസ്റ്റര് ചെയ്തു. എംഇഎസിന്റെ ഫണ്ടില് നിന്ന് 3.81 കോടി രൂപ തിരിമറി നടത്തിയെന്ന എംഇഎസ് അംഗമായ നവാസിന്റെ പരാതിയിലാണ് കേസ്. ഹൈക്കോടതി നിര്ദേശപ്രകാരമാണ് നടക്കാവ് പോലീസ് ജാമ്യമില്ലാ വകുപ്പ് പ്രകാരം കേസെടുത്തത്. എന്നാല് പരാതി കെട്ടിച്ചമച്ചതാണമെന്നും എംഇഎസ്സിന് വേണ്ടി കെട്ടിടം പണിയാന് ഭൂമി വാങ്ങാനാണ് പണം ഉപയോഗിച്ചതെന്നുമാണ് ഫസല്ഗഫൂറിന്റെ വിശദീകരണം.
