കാസർഗോഡ് കളക്ടറുടെ പേരിൽ ഓണ്‍ലൈൻ തട്ടിപ്പിന് ശ്രമം
കാസർഗോഡ്: കാസർഗോഡ് ജില്ലാ കളക്ടർ സജിത് ബാബുവിന്റെ പേരിൽ ഓണ്‍ലൈൻ പണം തട്ടിപ്പിന് ശ്രമം. തട്ടിപ്പ് സംഘം വ്യാജ മെയിലുണ്ടാക്കി പ്രചരിപ്പിച്ചാണ് പണം തട്ടാൻ ശ്രമിച്ചത്. 5000 രൂപ വീതമുള്ള നാല് ആമസോൺ ഇ- കാർഡ് വാങ്ങിയിട്ട് jatsmeh08@gmail.com എന്ന വ്യാജ മെയിലിലേക്ക് അയക്കണമന്നാണ് തട്ടിപ്പ് സംഘങ്ങൾ പ്രചരിപ്പിക്കുന്നത്. ജില്ലാ വകുപ്പ് മേധാവികളുടെ മെയിലിലേക്കാണ് വ്യാജ സന്ദേശമെത്തിയത്.
കളക്ടർ സ്വന്തം ഐ പാഡിൽ നിന്നാണ് അയക്കുന്നത് എന്നും executiv-ecdirector29@gmail.com മെയിലിൽ നിന്ന് വന്ന സന്ദേശത്തിൽ പറയുന്നു. എന്നാൽ ഇത് വ്യാജമാണെന്നും ഇതിൽ വഞ്ചിതരാകരുതെന്നും ജില്ലാ കളക്ടർ ഡോ ഡി സജിത് ബാബു അറിയിച്ചു.
