കേരളത്തില് തുലാവര്ഷം എത്തിയതായി കേന്ദ്ര കാലാവസ്ഥാ വകുപ്പ്
ദില്ലി: കേരളത്തില് തുലാവര്ഷം എത്തിയതായി കേന്ദ്ര കാലാവസ്ഥ വകുപ്പ് അറിയിച്ചു. വരുന്ന ആറ് ദിവസത്തേക്ക് ഇടിമിന്നലോട് കൂടിയ ശക്തമായ മഴയുണ്ടാകും. അതി ശക്തമായ മഴയ്ക്കും സംസ്ഥാനത്തിന്റെ വിവിധയിടങ്ങളില് സാധ്യത യുണ്ട്. സാധാരണ ഒക്ടോബര് പകുതിയോടെ എത്തേണ്ട തുലാവര്ഷം പതിനഞ്ച് ദിവസത്തോളം വൈകിയാണ് എത്തിയത്. അറബിക്കടലിലും ബംഗാള് ഉള്ക്കടലിലും രൂപം കൊണ്ട ചുഴലിക്കാറ്റുകളും ആവര്ത്തിച്ചുള്ള ന്യൂനമര്ദ്ദവുമാണ് തുലാമഴ വൈകാന് കാരണം. ഡിസംബര് പകുതി വരെയെങ്കിലും തുലാവര്ഷം ലഭിക്കുമെന്നാണ് പ്രതീക്ഷ. സാമാന്യം നല്ല രീതിയില് തന്നെ മഴ ലഭിക്കുമെന്നാണ് കാലാവസ്ഥ വകുപ്പിന്റെ പ്രവചനം.
