സ്മാര്ട്ട് സിറ്റി പദ്ധതി: കെ.എം.ആർ.എൽ പങ്കെടുക്കും
കൊച്ചി: സ്മാര്ട്ട് സിറ്റി പദ്ധതിയുടെ ആദ്യ വികസന പ്രവര്ത്തനങ്ങള് കൊച്ചി മെട്രോ റെയില് ലിമിറ്റഡ് നിര്വഹിക്കും. നഗരയാത്ര മെച്ചപ്പെടുത്തുന്ന വികസന പ്രവര്ത്തനങ്ങളാണ് ഏറ്റെടുക്കുകയെന്ന് കെ.എം.ആര്.എല് ഫേസ്ബുക്ക് പോസ്റ്റിലൂടെ അറിയിച്ചു.
മെട്രോ റെയില് ,ബസ് ,ബോട്ട് സര്വീസുകള് ഉള്പ്പെടുന്ന ഗതാഗത സംവിധാനങ്ങളെ ജി.പി.എസുമായി ഏകോപിപ്പിക്കല്, കൊച്ചി നഗരത്തില് വൈ - ഫൈ ഇന്റര്നെറ്റ് സേവനം ലഭ്യമാക്കല്, എറണാകുളം ബോട്ട് ജെട്ടിയില് നിന്ന് എം .ജി റോഡ് മെട്രോ സ്റ്റേഷന് വരെയുള്ള നടപ്പാത നിര്മ്മാണം, സൗജന്യ സൈക്കിള് ഉപയോഗിക്കാവുന്ന "സൈക്കിള് ഷെയറിംഗ്" തുടങ്ങി വിവിധ വികസന പ്രവര്ത്തനങ്ങളെ സംബന്ധിച്ചു 'കൊച്ചി സ്മാര്ട്ട് മിഷന്' കമ്പനി ബോര്ഡ് ഓഫ് ഡയറക്ടര്മാരുടെ യോഗത്തില് ധാരണയായി. കൊച്ചി സ്മാര്ട്ട് മിഷന് ലിമിറ്റഡിന്റെ അധിക ചുമതല വഹിക്കുന്നത് കെ.എം.ആര്.എല് എം.ഡി. കൂടിയായ ശ്രീ.ഏലിയാസ് ജോര്ജ്ജാണ്.
