സത്യൻ അന്തിക്കാട്-മമ്മൂട്ടി കൂട്ടുകെട്ടിൽ ഒരു ചിത്രം
കൊച്ചി: ഞാൻ പ്രകാശന് ശേഷം സത്യൻ അന്തിക്കാട് സംവിധാനം ചെയ്യുന്ന പുതിയ ചിത്രത്തിൽ മമ്മൂട്ടി നായകനാകുമെന്ന് റിപ്പോർട്ട്. “മമ്മൂട്ടി എന്റെ ഏറ്റവും അടുത്ത സുഹൃത്തുക്കളിൽ ഒരാളാണ്. ഞങ്ങൾ തമ്മിലുള്ള സിനിമകളുടെ എണ്ണം കുറഞ്ഞിട്ടുണ്ടെന്നത് ശരിയാണ്. പല കഥാപാത്രങ്ങളും മമ്മൂട്ടിക്ക് യോജിക്കാത്തതുകൊണ്ടാണ് അങ്ങനെ സംഭവിച്ചത്. കളിക്കളവും അർത്ഥവും ഗംഭീര വിജയമായിരുന്നു.
മമ്മൂട്ടിയും കൂടി നിർമ്മാണ പങ്കാളിയായ ചിത്രമാണ് നാടോടിക്കാറ്റ്. മമ്മൂട്ടിയെ വെച്ച് ചെയ്യാൻ കഴിയുന്ന ഒരു സബ്ജക്ട് മനസ്സിലുണ്ട്. ചിലപ്പോൾ അത് ഇക്കൊല്ലം രൂപപ്പെട്ട് വരാൻ സാധ്യതയുണ്ട്.” സത്യൻ അന്തിക്കാട് ഒരു വാർത്താമാധ്യമത്തിന് നൽകിയ അഭിമുഖത്തിൽ പറഞ്ഞു. 21 വർഷം മുൻപ് ഒരാൾ മാത്രം എന്ന ചിത്രത്തിലാണ് സത്യൻ അന്തിക്കാടും മമ്മൂട്ടിയും ഒടുവിൽ ഒന്നിച്ചത്.
