അതിഥി വേഷത്തിൽ മോഹൻലാൽ
ലാൽ ബഹദൂർ ശാസ്ത്രിക്ക് ശേഷം രജീഷ് മിഥില സംവിധാനം ചെയ്യുന്ന വാരിക്കുഴിയിലെ കൊലപാതകത്തിൽ മോഹൻലാൽ അതിഥി വേഷത്തിലെത്തുന്നു. അമിത് ചക്കാലയ്ക്കൽ പ്രധാന വേഷം അവതരിപ്പിക്കുന്ന ചിത്രത്തിൽ ദിലീഷ് പോത്തൻ, നെടുമുടി വേണു, ഷമ്മി തിലകൻ, നന്ദു, സുധി കോപ്പ, ഗോകുൽ, ലെജി ജോസഫ് തുടങ്ങിയവരും അഭിനയിക്കുന്നുണ്ട്. ഷൂട്ടിംഗ് പുരോഗമിക്കുകയാണ്. മെജോ ജോസഫ് സംഗീതസംവിധാനം നിർവ്വഹിക്കുന്ന ചിത്രത്തിൽ പ്രശസ്ത സംഗീത സംവിധായകൻ കീരണവാണി ചിത്രത്തിന് വേണ്ടി ഒരു ഗാനം ആലപിക്കുന്നുണ്ട്. ടേക്ക് വൺ എന്റർടെയ്മെന്റാണ് നിർമ്മാണം.
