സ്വർണവില നാൽപ്പതിനായിരത്തിലേക്ക്
സംസ്ഥാനത്ത് സ്വർ‍ണവിലയിൽ വൻ വർദ്‍ധന. ഗ്രാമിന് 100 രൂപയും പവന് 800 രൂപയുമാണ് ഇന്ന് വർ‍ധിച്ചത്. ഇതോടെ സ്വർണവില ഗ്രാമിന് 4,940 രൂപയും പവന് 39,520 രൂപയുമായി. അന്താരാഷ്ട്ര വിപണിയിൽ സ്വർണവില ട്രോയ് ഔൺ‍സിന് 1,988 ഡോളറായി ഉയർ‍ന്നു. രൂപ കൂടുതൽ ദുർ‍ബലമായി 76.75 ലേക്കെത്തിയതോടെയാണ് സ്വർണവില ഇന്ന് ഇത്രയും വർ‍ദ്ധിച്ചത്.
റഷ്യ− യുക്രെയൻ യുദ്ധം തുടരുന്നതാണ് സ്വർ‍ണവിലയിൽ വർ‍ധന ഉണ്ടാകാൻ കാരണമായത്. 2020 ഓഗസ്റ്റ് ഏഴിനായിരുന്നു സമീപ കാലത്ത് സ്വർ‍ണത്തിന് ഏറ്റവും ഉയർ‍ന്ന വില രേഖപ്പെടുത്തിയത്. ഗ്രാമിന് 5,250 രൂപയും പവൻ 42,000 രൂപയുമായിരുന്നു അന്നത്തെ വില.
