ജീപ്പ് കോംപസ് ബെഡ്റോക്ക് എഡിഷൻ പുറത്തിറക്കി
കൊച്ചി : ഫിയറ്റ് ക്രൈസ്ലർ ഓട്ടൊമൊബൈൽസ് (എഫ്.സി.എ) സ്പോർട് യൂട്ടിലിറ്റി വാഹനത്തിന്റെ പരിമിതകാല പതിപ്പായ ‘ബെഡ്റോക്ക് എഡീഷൻ’ പുറത്തിറക്കി. ഇന്ത്യൻ വാഹന വിപണിയിൽ കാൽ ലക്ഷത്തോളം കോംപസ് ജീപ്പാണ് വിൽപ്പന നടത്തിയിരിക്കുന്നത്. കോംപസിന്റെ അടിസ്ഥാന വകഭേദമായ ‘സ്പോർട്’ അടിത്തറയാക്കിയാണ് എഫ്.സി.എ ‘ബെഡ്റോക്ക് എഡീഷൻ’ അവതരിപ്പിച്ചിരിക്കുന്നത്.
ഡീസൽ എഞ്ചിനിൽ അവതരിപ്പിച്ച ഈ പരിമിതകാല പതിപ്പിൽ, ബ്ലാക്ക് ഫിനിഷുള്ള 16 ഇഞ്ച് അലോയ് വീൽ, ഡോറിലെ കറുപ്പ് ഡികാൽ, ബ്ലാക്ക് റൂഫ് റെയ്ൽ എന്നിവയെല്ലാം അടങ്ങിയിരിക്കുന്നു.
വോക്കൽ വൈറ്റ്, മിനിമൽ ഗ്രേ, എക്സോട്ടിക്ക റെഡ് എന്നീ മൂന്ന് നിറങ്ങളിലായാണ് ‘ബെഡ്റോക്ക് എഡീഷൻ’ വിപണിയിലെത്തിയിരിക്കുന്നത്. അകത്തളത്തിൽ ‘ബെഡ്റോക്ക്’ ബാഡ്ജിംഗുള്ള സീറ്റ് കവർ, പുത്തൻ ഫ്ളോർ മാറ്റ്, ഡൈനമിക് ഗൈഡൻസുള്ള റിവേഴ്സിംഗ് ക്യാമറ പ്രവർത്തിക്കുന്ന അഞ്ച് ഇഞ്ച് ഇൻഫൊടെയ്ൻമെന്റ് സിസ്റ്റം തുടങ്ങിയവയാണ് വാഹനത്തിന്റെ അകത്തള വിശേഷങ്ങൾ.
17.53 ലക്ഷം രൂപയാണ് ഈ ‘ജീപ്പി’ന് ഡൽഹി ഷോറൂമിൽ വില. മുന്നിൽ ഇരട്ട എയർബാഗ്, ഇ.ബി.ഡി സഹിതം എ.ബി.എസ്, െസ്റ്റബിലിറ്റി ആന്റ് ട്രാക്ഷൻ കൺട്രോൾ, ഫോർ വീൽ ഡിസ്ക് ബ്രേക്ക്, പവർ അഡ്ജസ്റ്റ് ഫോൾഡിംഗ് വിംഗ് മിറർ, ഇലക്ട്രിക് പാർക്കിംഗ് ബ്രേക്ക് തുടങ്ങി ‘സ്പോർട്’ വകഭേദത്തിലെ സവിശേഷതകളൊക്കെ ‘ബെഡ്റോക്ക് എഡീഷനി’ൽ ലഭ്യമാണ്. പരമാവധി 173 ബി എച്ച് പി വരെ കരുത്തുള്ള രണ്ട് ലീറ്റർ ഡീസൽ എഞ്ചിനാണ് ഇതിലുള്ളത്.
